Dit kan tereg Helmie de Vries se Rolbalvriendedag genoem word. Op 2 Januarie 2013 het Helmie die tradisie voortgesit met die 13de jaarlikse Rolbaldag wat hy met 'n groot aantal van sy vriende te Franskraal Rolbalklub gereël en georganiseer het.
Die besgeklede span se spelers, met vlnr Annette, Vernon en Nicki saam met Helmie de Vries (Afwesig: Helene-Michelle)
'n Oomblik van aksie op Franskraal Rolbalklub se bane tydens die jaarlikse Rolbalvriendedag
"Daar is musiek gemaak, gelag en geskerts en 104 spelers, oud en jonk, het om 09:00 in ʼn kleurvolle mengelmoes van klere, hoede en pette op die perke toegesak," vertel Pieter Conradie, President van Franskraal Rolbalklub. Helmie verduidelik dat die spelers jaarliks hoofsaaklik vanuit die geledere van nie-rolbalspelers kom en hy kon daarin slaag om 13 bane vol te maak. Die dag is met nie-rolbalspelers begin en aanvanklik het die spelery stadig verloop. Pieter sê die spel het gaandeweg al beter verloop, dis nou met die raad en daad van twee van Franskraal se afrigters en sommer ook so oor en weer tussen die spelers.
Die "Spinnekop"-wenner, Philip Ries saam met Helmie de Vries
Na tien skofte is daar eers ʼn bietjie asem geskep en die "Spinnekopspel" is gespeel. Hier vorm al die spelers 'n kring om die "spinnekop" en die bal naaste daaraan, is die wenner. Vanjaar was Philip Ries die wenner. 'n Hoed vir liefdadigheid word in die sirkel omgestuur en die pragtige bedrag van R700+ is ingesamel.
Met die tweede sessie van tien skofte het sake heelwat beter verloop. " Die borge van die dag was Gansbaai Superspar met broodrolletjies en wors wat "gereed vir eet" by die klub afgelewer is, Lizette Gerber van Langverwag Kelder en Helmie de Vries in sy persoonlike hoedanigheid. "Franskraal Rolbalklub is dankbaar vir die ondersteuning wat Helmie en sy vriende jaarliks aan ons klub op hierdie wyse verleen," sê Pieter. Die wenspanne vir die dag was eerstens die Franskraalspelers se Hettie Lass en haar span: Pieter Conradie, Victor Breach en Kristo Jooste. Twee van die besoekers se spanne het gelykop met 34 elk geëndig. Hulle was Cecil, Vera, Annicia en Marne, met die ander span as Junita, Beth, Altus en Elra. Die besgeklede span se spelers was Vernon, Nicki, Annette en Herlene-Michelle. "Ek is dankbaar vir die jaarlikse ondersteuning en deelname deur Franskraal Rolbalklub se Bestuur, asook teenoor ons borge. Dit is jaarliks 'n baie gesellige dag en dit dien terselfdertyd as 'n goeie inkomste vir die klub," sê Helmie. Hy mag maar bekendstaan as die "3-in-1" Helmie: Eerstens die wynmaker as voorsitter van Gansbaai Wynproegilde, tweedens as gholfer met sy organisering van die jaarlikse Wynmakers-gholfdag en derdens as rolballer met sy organisering van die jaarlikse Rolbalvriendedag.
Alle foto's is deur Philip Malherbe van De Kelders geneem.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
