Michael Rutzen, ook bekend as die "Haai-man" van Shark Diving Unlimited in Kleinbaai, was verlede week in 'n ernstige motorongeluk in Mosambiek betrokke.
Sy Italiaanse vriendin, Elisabetta Castella (35), is op slag dood en hyself is baie ernstig beseer. Volgens 'n familie-woordvoerder, JP Botha, het die ongeluk sowat 10km suid van Inhamabane in Mosambiek plaasgevind.
'n Gansbaai Courant argieffoto van Michael Rutzen (“Sharkman”) van Shark Diving Unlimited, tydens die oorhandiging van 'n borgskap aan Jackie Lombaard ten bate van die Fees van die Ganse se Bergfiets-item
"Michael het vir 'n aankomende voertuig uitgeswenk en beheer oor sy Landrover verloor," het JP gesê. "Daar was nie 'n ander voertuig in die ongeluk betrokke nie." JP vertel dat Michael 'n baie ongemaklike nag in 'n Mosambiekse hospitaal deurgebring het, waarna hy die volgende dag met 'n noodvliegtuig na Johannesburg gevlieg is. Die vliegtuig het by Lanseria-lughawe geland, vanwaar Michael met 'n ambulans na die Sandton-Mediclinic in Johannesburg vervoer is. Hy is in die Intensiewe Afdeling opgeneem en het in erge pyn verkeer en is deurgaans onder verdowing gehou. Van sy ernstigste beserings is gebreekte ribbes wat in sy longe ingesteek het. "Die vog moes uit sy longe gedreineer word, maar sy lewe is nie in gevaar nie." Hy het in 1994 by grootwithaaie as skipper van 'n haaibesigtigingsboot betrokke geraak en 4 jaar later het hy begin om sonder die beskerming van 'n haaihok saam met grootwithaaie te swem. Sedertdien het hy wêreldwye bekendheid daardeur verwerf.
Hy was ook reeds by verskeie dokumentêre TV-uitsendings in hierdie verband (ook as "Sharkman") by Discovery Channel, National Geographic, Animal Planet, CNN, CBS, BBC en Franse en Italiaanse TV betrokke. Hy is ook bekend vir sy passie vir bewusmakingsveldtogte oor die bewaring van die grootwithaai. Navrae oor Michael se welstand is op Dinsdag, 5 Februarie by JP Botha gedoen. JP het soos volg gereageer: "Michael sterk baie goed aan en is vandag na die algemene saal oorgeplaas en sal na alle waarskynlikheid teen die naweek ontslaan word om huis toe te kan gaan." Dit is verblywende nuus en Gansbaai Courant wens hom graag algehele herstel toe.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
