PLAKKERSKAMPE OPGEGRADEER OM IN NOOD TE VOORSIEN
Die seremoniële sooispitseremonie vir die opgradering van die informele nedersetting van Eluxolweni naby Pearly Beach het onder groot en geesdriftige belangstelling van die gemeenskap op Woensdag 13 Februarie plaasgevind.
Burgemeester Nicolette Botha-Guthrie is so deur die gesingery meegevoer dat sy self ‘n paar dansstappies saam met die vroue uitgevoer het. Vir die Wes-Kaapse Minister van Menslike Nedersettings, mnr Boginkozi Madikisela, het daar by sy aankoms ‘n verwelkoming deur ‘n pryssanger gewag.
Die projek is deel van die nuwe benadering wat deur die Munisipaliteit Overstrand gevolg word om in terme van sy Agtjaarbehuisingsplan die bestaande waglys af te werk en veral op die voorsiening van gedienste erwe te fokus. Die koste van dié program word op R894 miljoen geskat.
Die samewerking van die Eluxolweni-gemeenskap was verstommend en meer as honderd strukture wat op die konstruksieterrein gestaan het, is binne tien dae verskuif.
By voltooiing sal daar 211 gedienste erwe beskikbaar wees. Nie al die begunstigdes gaan vir topstrukture kwalifiseer nie, maar die bewoners van die gebied sal wel die voordele van eiendomsreg, verbeterde omstandighede ter bevordering van gesondheid en veiligheid en verbandhoudende bemagtigingsgeleenthede kan geniet, het die Burgemeester gesê.
Sy het bygevoeg dat die moontlike begunstigdes reeds geïdentifiseer is en dat die kriteria vir deelname bepaal is. Met dié projek gaan daar ook mense gehelp kan word, wat in die verlede uitgeskakel is omdat hul inkomste die maksimumperke oorskry het, minderjariges die hoof van die huishouding is of omdat hulle voorheen reeds huise besit het.
Volgens me Botha-Guthrie het die munisipaliteit hom ernstig daartoe verbind tot die ideaal om ‘n dak oor die kop van die huishoudings in die armer deel van die gemeenskap te voorsien en het dit reeds belangrike stappe gedoen om die lewering en administrasie van behuising te verbeter.
Die amptelike behuisingsbehoefte was einde Desember 2012 volgens Overstrand se Behuisingsdatabasis - altesame 6 321 gesinne en was daar 3409 plakkerstrukture in die gebied. Vir behuisingsprojekte in 2013/14 is daar R35 miljoen ontvang en die munisipaliteit beoog om dit te gebruik om 460 gedienste erwe en 333 huise te ontwikkel regoor die munisipale gebied.
Minister Madikizela en Overstrandse Uitvoerende Burgemeester,Rld Nicolette Botha-Guthrie
Mnr Madikizela het gewys op die geweldige agterstand wat daar nasionaal en in die Wes-Kaap bestaan, maar dat die hulpbronne baie minder is as die behoefte. Wat daarmee gepaard gaan is ‘n nog groter agterstand in infrastruktuur. Daar moet kreatief te werk gegaan word om die maksimum lewering te verseker en dit kan net gedoen word as almal hul samewerking gee. Politiek moet uit ontwikkeling gehou word, want te veel projekte kom nie van die grond af nie weens binnegevegte tussen verskillende faksies. Me Buseka Jonas het namens die gemeenskap gesê hulle is kristalhelder oor die uitdagings wat voorlê, maar dat die owerhede verseker kan wees dat dit die beste behuisingsprojek ooit sal wees. Sy hoop dat dit vir hulle werksgeleenthede gaan meebring en dat hulle bereid is om hande met almal te vat om dit ‘n groot sukses te maak.
Fanie Krige
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
