Seevisserybeamptes en polisielede is hier besig om perlemoen langs die motorwrak in die veld te soek. Vlnr: Stanley Dramat, Winston Busch, Francois du Preez en Hoofinspektreur, Gilbert Mmereki. Agter: Twee polisielede, Sers W Basson (heel links) en A/O Mossie Mostert (regs).
‘n Man is ernstig beseer toe hy Woensdagoggend in ‘n jaagtog beheer oor sy motor verloor het.
Hy was in ‘n gehuurde Budget Car Rental Toyota Corolla op die R43 in die rigting van Stanford onderweg. Konst S Mfundisi, wat by die Perlemoenbaai-afdraai op patrollie was, het die goudkleurige Toyota gesien en dit het vir hom verdag voorgekom.
Hy het die voertuig met sy polisiebakkie gevolg en die blou ligte aangeskakel. Die Corolla het egter versnel en teen ‘n hoë spoed weggejaag.
Mfundisi het hom gevolg en nog ‘n patrolliewa met Konst MJ Mntshidi en Konst CC Malies het hul by die agtervolging aangesluit. Sowat 2km anderkant die Grootbosafdraai het die Toyota ‘n draai te wyd gevat en die pad vir sowat 38 meter aan die linkerkant verlaat. Die voertuig het toe weer na regs oor die pad beweeg en die bosse ingejaag. Dit het gerol en sowat 90 meter verder op sy dak tot rus gekom.
Perlemoen het in die veld gesaai gelê en ‘n groot aantal was steeds in swartsakke in die bagasieruim.
By nadere ondersoek is gevind dat daar stukke hout in die agterste veerstelsel gedruk is om te verhoed dat die voertuig te laag sak weens die swaar vrag. Dit het moontlik daartoe gelei dat die Corolla nie in die draai kon oorhel nie en dat die bestuurder gevolglik beheer verloor het.
Die bestuurder, wat nog nie geïdentifiseer mag word nie, het ernstige hoof en ander beserings opgedoen en is in die Provinsiale Hospitaal in Hermanus opgeneem.
Die polisie het beslag gelê op 3769 ontskulpte perlemoen en die saak word verder ondersoek.
Francois de Jongh
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
