'n 50-jarige werknemer van Grootbos Natuurreservaat, Lovey Mphokeli, het op 25 Februarie by Gansbaai Gateway Sentrum se ingang ineengestort.
Personeel van Overstrand Medical Response veg verbete om die lewe van Lovey Mphokeli ná 'n massiewe hartaanval by Gateway Sentrum se ingang
Riaan Buys en Cassie Carstens van Overstrand Medical Response, asook hulle personeel, Chantell Buys en Steven Breytenbach, was binne oomblikke op die toneel. Hulle is deur twee persone wat met Noodhulp Vlak 1 opleiding besig is, Hendrik Bosman en Cornelius Swart, asook twee munisipale werkers, Quinten Bernardus en Gideon Links, bygestaan. Die groep het vir bykans 'n uur met CPR (hartmassering en mond-tot-mond-asemhaling) onverpoos om Lovey se lewe geveg.
Met die aankoms van die staats-ambulansdiens is Lovey dood verklaar en is daar vir die Forensiese Patoloë gewag om die liggaam te kom haal. Lovey was vir 'n week afgeboek en het op diè noodlottige dag weer vir werk aangemeld. "Ons kon sien dat hy nog nie gesond is nie en het hom met 'n brief na Gansbaai Kliniek gestuur," het Joan Carboni van Grootbos gesê. Dit is juis as gevolg van die brief wat Cassie in Lovey se bo-sak gekry het, dat Grootbos summier van die voorval verwittig kon word.
Lovey was sedert 2005 'n werknemer van Grootbos Natuurreservaat en 'n staatmaker lid van Grootbos se Groenspan. Hy het as 'n lid van die Alien Clearing Team aangesluit en is sowat 3 jaar gelede na die Landskaps Departement as 'n lid van die Groen-span oorgeplaas.
Joan sê van Lovey se pligte het onder andere skoonmaak- en voorberei-dingswerk van Grootbos se Landskaps-projekte ingesluit, asook die onderhoud van tuine. Dit was take wat hy deeglik en met 'n passie uitgevoer het.
"Hy sal in vele opsigte deur almal hier gemis word," sê Joan. Lovey laat se eggenote, Manthombi en kinders agter.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
