Morkel van Niekerk van Gansbaai Superspar met sy twee dogters vlnr Anrie (Gr3) en Jannika (Gr 6)
Die hare het letterlik verlede Saterdag by Gansbaai Superspar "gewaai", maar gelukkig vir 'n goeie doel. Dit was die jaarlikse Kansa Shavathon wat aangebied is, met hare wat gesny, gekleur, gestensil, gesproei en selfs ge-"jel" is. Die Kankervereniging van Suid-Afrika (KANSA), het 10 jaar gelede met hierdie inisiatief begin waar mense dit met hulle hare kan aanvang ter ondersteuning van kankerpasiënte.
Die groep vrywilligers wat hard tydens die Kansa Shavathon gewerk het, maar van wie sommiges sommer deelgeneem het ook.
Donasies wat betaal word, word vir die verskaffing van geïntegreerde dienslewering aan die publiek en ter ondersteuning van alle mense wat deur kanker geraak word, aangewend. Die verlies van hare is ‘n algemene newe-effek van kankerterapie. Die simboliese gebaar deur die publiek om hulle hare te laat skeer, sproei, stensil of jel is ‘n sigbare bewys dat hulle kanker-oorwinnaars ondersteun. Die vrywilligers wat behulpsaam was, is Annalise Theunissen, Charmaine Henrico, Ian Pieterse, Gesina Pieterse, Leon Kemp, Liesl Prinsloo van Hair on Main, Marlene Uys, Melissa van der Merwe, Natasha van der Berg van Snippets, Neels Claassen en Riana Enslin. Die volgende grootskaalse projek is Kansa se jaarlikse CANSA Relay For Life. Dit is 'n oornag geleentheid om kankerpasiënte te ondersteun en word op 16 en 17 Maart by die Hoërskool Hermanus aangebied.
Vir verdere inligting in hierdie verband kan Kansa se kantore by 028-316-3678 geskakel word.
Hardus Botha
Tarien Burger (2) wou eers niks weet nie, maar toe die tannie sê sy kan prentjies op haar hare kry, het sy ingestem
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
