Die betrokkenes en die wenner, met vlnr Gary Lee, Chris van Rensburg, Koos Senekal, Petra van Rensburg, Gerhard Kriel, Hubie Kriel (wenner van die Nissan) en rdh Pieter Scholtz
"En ja, sowaar, een van OK Foods Gansbaai se kliënte word uit derduisende inskrywings getrek en is een van die wenners van 'n nasionale kompetisie," was Petra van Rensburg van Gansbaai OK Foods se eerste opgewonde opmerking.
Die opgewondenheid (en trane!) van Hubie Kriel van Franskraal het egter Petra se opgewondenheid met 'n spoed verbygesteek. Hubie is die wenner van 'n splinternuwe Nissan NP200 1.6i bakkie - bloedrooi van kleur! Die OK Franchise Divisie van die Shoprite Checkers Groep (OKFD) het 'n Nasionale Kompetisie landswyd geloods waartydens 11 van hierdie bakkies gewen kon word. "Ons is ongelooflik opgewonde om hierdie wonderlike prys aan een van ons gelukkige kliënte te kan oorhandig," het Petra gesê. "Wat 'n wonderlike eer het Gansbaai toegeval - heerlike positiewe nuus!" Hubie en haar ewe (dalk meer!) opgewonde eggenoot, Jan, is saam met enkele gaste deur Gansbaai OK Foods uitgenooi om haar bakkie op Dinsdag, 12 Maart 2013 te kom afhaal.
Hubie Kriel sit hier met 'n tevrede glimlag in haar splinternuwe Nissan NP200 1.6i
Die bakkie het ewe spoggerig in die ingangsportaal van die winkel gestaan en Hubie het sonder ophou geglimlag. Betrokkenes wat die geleentheid bygewoon het en die bakkie oorhandig het, is Gerhard Kriel (Hoofbestuurder: OKFD), Gary Lee (OKFD), Koos Senekal (OKFD) en Gansbaai OK Foods se trotse eienaars, Chris en Petra van Rensburg. Overstrand se Uitvoerende Onderburgemeester, rdh Pieter Scholtz, was ook teenwoordig. Smaaklike verversings is aan die gaste voorgesit en Hubie het daar en dan haar motorversekering gereël om seker te maak sý is die een wat met die bakkie daar wegry.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
