'n Deel van die groot hoeveelheid kinders, saam met enkele betrokkenes tydens die opening van die nuwe speelpark in Blompark
Dinsdag, 12 Maart 2013 was dit die ene "chaos" langs Roosstraat bo in Blompark. Nie as gevolg van probleme nie. Net vreugdevolle kinders wat op die pragtige en nuwe speelpark se toerusting toegesak het. En speel is daar gespeel - met mening - en beurte kon nie afgewag word nie, daarvoor het die pret eens te lekker gelyk.
Die nuwe speelpark is op Dinsdag 12 Maart te Blompark geopen. Die kostes van die toerusting wat daar aangebring is, beloop R35,000 en die gehalte daarvan getuig van die kostes. Gedurende die afgelope paar jaar is daar reeds R250,000 aan speelparktoerusting in die groter Gansbaai-gebied spandeer. Hierdie kosbare projek is deel van die R500,000 wat per wyk vir gemeenskapsprojekte begroot is.
Overstrandse Uitvoerende Onderburgemeester, Rhr Pieter Scholtz, wat ook die raadslid vir onder andere Blompark is, het tydens die opening van die speelpark die kinders en ouers toegespreek. Hy het daarop klem gelê dat die toerusting duur is en dat die kinders dit moet oppas. Hy het ook versoek dat die ouers en gemeenskap eienaarskap daarvan moet neem. Kat Myburgh, Areabestuurder van die Overstrandse Munisipaliteit se Gansbaai Administrasie en enkele munisipale beamptes, asook gemeenskapsleiers vanuit Blompark was ook teenwoordig. Onder hulle was Sammy Brett en hy het namens die ouers onderneem om na die speelpark om te sien en dat dit tot voordeel van die hele gemeenskap aangewend sal word. Die meegaande fotos getuig van net één ding - vreugde en nogmaals vreugde!
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
