Vlnr Retha Skein, Dine van Zyl, SD Fourie, Christie Groenewald en haar kleindogter, Christelle - die tv-sterre van Boerekos uit die Overberg Sirkel.
Suster Dorethea Jacobs, plaaslike klinieksuster, het ‘n insiggewende verslag gelewer oor die diens wat die kliniek aan die plaaslike gemeenskap lewer. Oor die afgelope twintig jaar het gesondheid merkbaar afgeneem en siektes toegeneem. Die kliniek het ongeveer 10 000 pasiënte op lêer wat deur vier opgeleide susters hanteer word. Tuberkulose en HIV is twee van die grootste probleme. Een vrywilliger help om die kroniese medisyne te verpak. ‘n Tandarts besoek elke tweede week die kliniek en sien ongeveer 40 tot 60 pasiënte.
Armoede is ‘n wesenlike probleem en Francette Cillié-Malan, sameroeper van Gesondheid, het met die hulp van VLV-lede die probleem aangespreek en 110 truitjies en 100 mussies gebrei en tydens die vergadering aan Suster Jacobs oorhandig. Die grootste gedeelte van die breiwerk is deur Francette gedoen. Daar is ook gebreide speelgoed en klere aan die kliniek oorhandig.
Die lede neem tans geesdriftig deel aan kompetisies en tydens dié vergadering was daar 37 inskrywings vir die verskillende kompetisies. Die geesdrif is tydens die onlangse VLV konferensie op Villiersdorp beloon met die Sarie Human Trofee vir Kookkuns, die Consul Trofee vir die meeste punte in preservering, Moskonfyt Trofee vir die mees uitstaande artikel in kookkuns en die Gansbaai Trofee vir die derde meeste punte. Die Moskonfyt Trofee is gewen deur Esmé van Dewenter vir haar klappertert.
Dine van Zyl, bekroonde skrywer van Die Groot Boerekosboek, het tydens die konferensie ‘n eretoekenning ontvang vir haar bydrae om wyer erkenning te kry vir die Overbergse en Strandveldse koskultuur deur dit te bewaar en uit te bou. Die toekenning is namens die Vroue Landbouvereniging van Kaapland en veral Sirkel Overberg deur SD Fourie aan haar oorhandig. “Toe Dine van Zyl genader is om ‘n tv-reeks oor Boerekos te maak, het sy sekuur geweet waar om die deelnemers en inligting te soek, naamlik die VLV van die Overberg Sirkel,” was SD se woorde tydens die oorhandiging.
Sr. Dorethea Jacobs en Francette Cillié-Malan tydens die oorhandiging van die speelgoed en truitjies
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
