Gansbaai Brandweer, saam met Overstrand Medical Response se personeel by Nedbank kort ná 'n ontruimingsoefening
Die koppe het beslis onlangs gedraai met Gansbaai Brandweer en Overstrand Medical Response se bedrywighede by Nedbank in Hoofstraat. "Nee-wat, niks om bekommerd oor te wees nie," het Nedbank se Takbestuurder, Clayton Sauls gesê. "Die Nedbankgroep het lankal reeds 'n beleid ingestel waarin bepaal word dat alle Nedbank-takke minstens een keer per jaar 'n ontruimingsoefening moet aanpak." Hy het Gansbaai Munisipaliteit vir só 'n oefening gekontak, waarna Gansbaai Brandweer in kennis gestel is, met 'n uitnodiging aan Cassie Carstens en Riaan Buys van Overstrand Medical Response om deel te neem. Gansbaai Brandweer se Divisie Offisier, Brian Lobb, asook Riaan en Cassie het bevestig dat die ontruimingsoefening suksesvol en glad verloop het. "Besighede, banke, instansies, skole, tehuise vir bejaardes en dies meer word genooi om soortgelyke oefeninge te reël," het Brian gesê. Tania Greeff van Overstrand Brandweer-dienste & Rampbestuur van Gansbaai Munisipaliteit kan by 028-384-8315 vir sodanige reëlings gekontak word.
Nuwe bestuurder vir Nedbank
Clayton Sauls is met ingang van 1 Februarie vanjaar as Nedbank Gansbaai se Takbestuurder aangestel, nadat hy sedert Desember 2012 tydelik in dié pos uitgehelp het. Clayton is sedert geboorte in Hermanus en het reeds in 2006 by Nedbank begin werk.
Nedbank Gansbaai se nuwe en vriendelike Takbestuurder, Clayton Sauls
"Ek beskou my aanstelling in Gansbaai as 'n groot uitdaging en sien daarna uit om Nedbank hier as Takbestuurder te verteenwoordig," het Clayton gesê. Hy sê een van sy belangrikste take is om kliënte, besighede, instansies, skole, kerke en dies meer beter te leer ken en om 'n vertrouensbasis met hulle op te bou. Juis daarom wil hy graag na Gansbaai verhuis, maar het nie verblyf hier nie. Clayton is ongetroud en belangstellendes wat enige vorm van sinvolle verblyf het om aan te bied, kan hom gerus gedurende werksure by 028-384-8200 skakel.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
