Welliswaar nie trawlers (vistreilers) waarmee see toe gegaan kan word nie, maar die detail daarvan stem letterlik ooreen met die Ware Jakob, so ook die gedrukte Gans-name en identifikasienommers wat daarop aangebring word.
Trawlerbouers van faam, met Chris (Snr) Geldenhuys links, saam met sy seun, Chris (Jnr) agter hulle kunswerke - twee voltooide trawlers.
Die twee "kunstenaars" is geharde trawlervissermanne, Chris (Snr) Geldenhuys en sy seun, Chris (Jnr) van Gansbaai. Chris (Snr) werk al sowat 40 jaar op trawlers en Chris (Jnr) sowat 10 jaar. Na sóveel jare moet 'n visserman darem sekerlik die detail van die trawlers ken!
"Ons het maar onlangs met die bouery van die replika's begin, maar het al 7 bote voltooi," vertel Chris (Snr). Hy sê een van hulle werk sowat 2 weke aan 'n boot, maar dan is dit elke dag van vroeg tot laat. Die bote is sowat 'n meter lank en lyk in alle opsigte identies soos hulle ouer (heelwat groter!) ouboete, alhoewel dit nie volgens skaal gebou word nie.
Die detail van dié twee se werk is verstommend en alles is daar: DDF-nommer vir Gansbaai, ZR-nommer vir internasional noodseine, watertenk, dekroller, vispomp, "power block", "kanon", "stacker", "supporter block" en veel meer, presies soos dit moet wees word in die fynste besonderhede weergegee. Werk pa en seun saam aan 'n boot? "Nooit gesien," sê Chris (Snr), "elkeen werk in vrede aan sy eie boot, anders sal ons mekaar vermoor!" Die bestaande trawlers se name word spesiaal gedruk, soos Berggans, Wildegans en dies meer. "Ons beplan om replika's van al Gansbaai se trawlers te bou," sê Chris (Snr). 'n Miniatuur trawler soos hierdie behoort 'n pragtige aandenking vir booteienaars te wees, miskien tog net nie op moederliefde se glasvertoonkas met haar fyn porselyndingetjies nie…..!
Belangstellendes wat die aanskaffing van so 'n replika oorweeg, of die bote wil besigtig, kan vir Joan Geldenhuys by 082-512-0983 skakel, of stuur 'n e-pos aan haar by joangeldenhuys@gmail.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
