Onderskeidelik links en regs is Rigardo Plaatjies en Heinrich Jansen wat hul toergids-lapelwapens en sertifikate van Andrè de Waal (middel) ontvang het
Gansbaai Toerismepersoneel het hul kennis al verskeie kere met kursusse en die bywoning van aanbiedinge buite Gansbaai verbreed. So was dit ook weer met Heinrich Jansen, Inligtingsbeampte en Rigardo Plaatjies, tydelike werknemer van Gansbaai Toerisme.
Heinrich het sy Omgewingsgidskursus (Site Guide Course) vroeër vanjaar by die Tourism Guide Institute verwerf. Dit was 'n offisiële en erkende kursus en Heinrich is nou by die Departement Toerisme as 'n omgewingsgids geregistreer. Sy area van bediening as amptelike gids is die Groter Gansbaai Area.
Andrè de Waal van die Tourism Guide Institute het Heinrich se offisiële lapelwapen en sertifikaat op Dinsdag, 2 April 2013 aan hom oorhandig.
Gansbaai Toerisme se tydelike werknemer, Rigardo Plaatjies, is reeds 'n bekende gids vir die Perlemoen Trail en het belangstellendes al etlike kere op die Duiwelsgat Voetslaanroete vergesel. Hy is ook op die Extended Public Works Programme (EPWP) van die Overstrand Munisi-paliteit. Nou is Rigardo ook 'n offisiële omgewingsgids wat sy opleiding ook by die Tourism Guide Institute deurloop het, waarvoor hy saam met Heinrich 'n lapelwapen en sertifikaat van Andrè ontvang het.
"Altwee hierdie knap jongmanne het ook reeds 'n Noodhulpkursus (Vlak 1) suksesvol deurloop," vertel Glenda Kitley, Bestuurder: Gansbaai Toerisme.
"Gansbaai Toerisme is trots op hulle!" Met die jaar wat reeds fluks aan die vorder is, word lesers net weer aan die Toerisme Kalender herinner waar gekyk kan word om botsings met die aanbieding van spesifieke geleenthede te vermy.
Kom sluit ook gerus teen 'n minimale jaarlikse fooitjie as Toerismevriende aan en bly op hoogte van gebeure in die omgewing.
Die kantoor se besoektye is Maandae tot Vrydae 09:00-17:00, Saterdae 09:00-16:00 en Sondae 10:00-14:00. Vir opdatum toerisme gebeure en interessanthede, kan hulle by 028-394-1439 gekontak word, of stuur 'n e-pos aan gansbaaiinfo @telkomsa.net.
Webtuistes is: www.gansbaaiinfo.co.za of www.gansbaai.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
