Die weer het, soos gewoonlik, gesorg dat die hengelstorie anders verloop as wat normaalweg verwag word. Vanaf die bote is selfs snoekies gevang, maar die ou grotes is maar skaars. Steeds word geelstert gewaar maar om hulle aan te keer sit nie in enigeen se broek nie. Ook enkele makriel het in die boot beland met die klem op enkel. Die galjoenseisoen het sover heelwat vis opgelewer en die manne wat ken van sit met roosters wat nie ver weggebêre word nie. Nou die dag ‘n skelet geërf van ‘n galjoen wat jou elke keer wanneer jy daarna kyk, laat hoop dat jy eendag so ‘n ou bul sal vang -- dis natuurlik waarvoor daardie groot rooster lê en wag.
Dis baie interessant om die nalatenskap te beskou van ‘n gesoute hengelaar en afgesien van die gevoel van hartseer omdat hy nie meer met ons is nie, te leer uit sy handewerk en die tegniek wat destyds toegepas is, te bewonder. Die tyd wat dit moes geneem het en die kundigheid daaraan verbonde, sou ook trots tot gevolg gehad het. Aspekte soos “splicing” is onverbeterlik gedoen en dit was sekerlik net moontlik deur die kundigheid en selftevredenheid wat daarin betrokke was. Daar is byv. sinkers wat anders as die gewone, op ‘n ander manier gevorm is. In plaas van die gewone is daar van enkel- sowel as dubbel-“swivels” gebruik gemaak. Sinkers is ook gevorm met ‘n spesiale doel in gedagte en van knope gebruik gemaak wat jou verwonderd laat. Juis omdat dit so lank terug gedoen is is dit so insiggewend. Snoekgereedskap veral, is baie op gekonsentreer en die kombinasies wat gebruik was is verbasend.
Dit is baie duidelik dat daar in die verlede baie tyd bestee is om nie net gereedskap voor te berei nie maar dat dit ook baie prakties moes wees en dit boonop met respek gedoen is.
Hou asb. in gedagte dat die kreefseisoen reeds ten einde geloop het. Hoewel dit, volgens my mening, maar swakkerig gegaan het is daar tog goed gesmul aan hierdie lekkerny, en smulpape sal ongelukkig moet wag vir die volgende seisoen om weer hul nette te stel.
As ons kan staat maak op die vooruitspelling van die weer wag daar ‘n paar aangename dae op ons en die bote sal dus kan konsentreer op plekke wat nie normaalweg bereikbaar is nie. Probeer gerus ‘n nuwe kolletjie. Groete, Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
