Hier is die groep Seniors (diè sonder blaasprobleme) besig om balonne op te blaas
Nou nie in die ware sin van die woord nie, maar Gansbaai Seniorklub het tydens hulle onlangse byeenkoms aan etlike "minder bekende" Olimpiese items in die konferensiesaal van Gansbaai Toerisme deelgeneem. Hettie Esterhuyse het die speletjiedag vir die lede gereël en dit is terdeë en met luide gelag geniet. Dis nou nie vir polisie-oë bedoel nie, maar daar is vertroulik verneem dat hulle elkeen 'n pakkie woemapille (steroïedes) gekry het om hulle vir die Spele gereed te kry. Gelukkig blyk dit toe later dat dit "pienkpille-tjies" (ouderlingpilletjies) was wat uitgedeel is, anders was Gansbaai se polisieselle Vrydagaand vol seniors! "Net die van julle sonder blaasprobleme kan aan die volgende item deelneem," het Hettie gesê. Nadat die gegiggel en verstomming bedaar het, het sy komkommerkoel gesê dis vir die opblaas van balonne. Daarna het spies- en werpskyfgooi (met papierborde) gevolg. Enkele ander items was teiken gooi na bottels, bal vang op eienaardige maniere, verspoeg (sjoe!), ingewikkelde balbalansering, bars van balonne en veel meer. Daarna is 'n boontjiesakkie tussen die bene vasgeknyp om in 'n houer te laat val, wat nogal 'n petalje was om te aanskou. Ook hier het Hettie se humor vooraf ingeskop toe sy sê: "Hierdie item is net bedoel vir diegene wat nog nie knypprobleme ondervind nie!" Dan moes hulle ook "marshmallows" in die mond prop terwyl hulle nog moes praat en glimlag. Die sykous om die lyf vasgebind, met 'n harde voorwerp in die voetgedeelte, was nogal iets om te aanskou. Wydsbeen, met die swaaiende sykous wat tussen die bene hang, moes hulle koeldrankbottels omstamp. Daardie seniors sal nooit weer dieselfde wees nie. Gansbaai Seniorklub vergader elke tweede Vrydag van elke maand om 10:00 in Gansbaai Inligtingsentrum se konferensiesaal. Iemand het op ‘n keer gesê: “Senior Citizens are valuable and we are more valuable than any of the younger generations: They have silver in their hair; They have gold their teeth; They have stones in their kidneys; They have lead in their feet; They are loaded with natural gas!”
Belangstellendes in Gansbaai Seniorklub, mans en dames, kan vir Angela Caie by 084-431-9272 skakel.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
