SD Fourie van Franskraal se radiodrama, John Birkenhead, word vanaand (18 April) om 20:00 oor RSG uitgesaai. Die radiodrama het betrekking op die stranding van die HMT Birkenhead wat op 26 Februarie 1852 by Danger Point gestrand het.
'n Deel van Gansbaai Leeskring se lede, met voor SD Fourie met die baba, John Berkenhead Hudson op haar skoot, saam met Annemarie du Plessis (voorsitter). Agter vlnr staan Sylvia le Roux, Piet en Annetjie Visagie en Vea Tredoux
Daar was 100 inskrywings vir RSG en Sanlam Radiodrama-skryfkompetisie en SD het vroeër vanjaar met die 3de prys weggestap. "Onder gewone omstandighede is 'n radiodrama van 'n plaaslike skrywer nie groot nuus nie, maar dié een is nogal," vertel SD. "Sover ek kon vasstel is dit die eerste drama oor die stranding van die Birkenhead wat onder andere handel oor die feit dat daar drie babas op die gedoemde vaart gebore is." SD sê dié spesifieke baba, John Berkenhead Hudson, is na die HMT Birkenhead vernoem. 'n Direkte nasaat van die baba, Sue Wilson, haar eggenoot, Richard en hulle seun, Marc, het tydens 'n besoek (2005) aan die Strandveld museum 'n afskrif van die geboortesertifikaat aan die museum geskenk. Op die sertifikaat is die naam "Berkenhead" met 'n "e" gespel en nie met 'n "i" nie. "Ek het die naam vir my radiodrama maar liefs met 'n "i" gespel, anders dink mense ek kan nie spel nie!"
Tydens die 150ste herdenking van die tragiese gebeure, was Corrie Riddering vir die outentieke kostuums verantwoordelik. Ook dié van baba (pop) John Birkenhead. "Sue Wilson was nogal erg aangedaan om die pop, haar 'voorsaat', in haar arms te kon vashou," het SD gesê. Volgens SD was die geboortesertifikaat die beginpunt van haar drama, John Birkenhead. SD het haarself al deeglik bewys as skrywer. Drie van haar vorige radiodramas wat oor RSG uitgesaai is, is Roep van die Potjieriet (2004 - 3de plek), Helderfontein (2010) en Droomskip (2008 - 1ste plek). Laasgenoemde is ook in die bundel Droomskip en ander radiodramas opgeneem, wat as voorgeskrewe werk vir hoërskole saamgestel is. Tydens Gansbaai Leeskring se onlangse byeenkoms, het SD as gasspreker opgetree en onder andere oor haar nuutste radiodrama, John Birkenhead, ook gepraat. Skakel gerus vanaand (18 April) om 20:00 in op RSG om na 'n uitsending van SD se radiodrama te luister.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
