Dalene Nieuwoudt van Kleinbaai is nog pure vuur en vlam waar dit by breiwerk kom, ondanks die feit dat sy vanjaar 99 jaar oud sal wees. Sy is op 4 November 1914 in Hanover, Karoo gebore, waar sy ook grootgeword het.
Die 98-jarige Dalene Nieuwoudt met enkele gebreide items
Sy en haar oorlede eggenoot, Tielman, het vir etlike jare in Mosselbaai gewoon, maar ná sy heengaan sowat 2 jaar gelede het sy by haar dogter, Charlene en dié se eggenoot, Nico le Roux, in Kleinbaai kom woon. "My ma brei al baie jare lank vir basaars, mens kan byna sê sy brei van basaar na basaar," vertel Charlene. Vanjaar is dit weer die NG-gemeente se basaar se beurt, maar Dalene het alreeds vir Herberg-aan-See se basaar in September vanjaar ook begin brei. "Ons is dankbaar dat sy nog daartoe in staat is, aangesien die handwerktafels van basaars deesdae redelik swaarkry omdat mense nie meer geneig is om hierdie tipe van handwerk te doen nie." Behalwe vir 'n gehoorprobleem, verkeer Dalene steeds in uitstekende gesondheid en sy is ook baie lief vir lees. Nou is die pragtige gebreide poppies, babaskoentjies, borslappies en veel meer op pad na die handwerktafel van die NG-gemeente se basaar eerskomende Saterdag, 27 April om 09:00.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
