Patricia Franken, 'n Voorkomskonsultant, tydens haar aanbieding met 'n vorige ontbyt ten bate van die Flower Valley Early Learning Centre
"Die tema tydens ons ontbytoggend op die plaas Flower Valley fokus op hoe dames die wêreld met groter selfvertroue kan aandurf," vertel Heather D'Alton, Kommunikasie-bestuurder: Flower Valley Conservation Trust. "Kom leer hoe om die beste van jou voorkoms te maak!" Vrae wat gevra word, is onder andere: "Ken jy jou stylpersoonlikheid? Weet jy hoe om jou figuur te vlei? Weet jy watter kleur jou die beste pas?" Heather sê hierdie vrae sal volledig deur die Voorkomskonsultant, Patricia Franken tydens 'n heerlike en gesellige Sjampanje-ontbyt op Flower Valley Plaas beantwoord word. Hierdie ontbyt word op Saterdag, 11 Mei 2013 aangebied.
"Volgens Patricia, as vrouens hulself, hul gelaatskleur en hul proporsies beter verstaan, sal hulle met soveel meer selfvertroue die wêreld aandurf," sê Heather. Patricia het die volgende kommentaar gelewer: “Hoe jy jou voorkoms hanteer, maak ‘n groot deel uit van wie jy is. Om goed geklee te wees, beteken eenvoudig om aan jou spesifieke behoeftes te voldoen.” Patricia gaan op die verskillende stylpersoonlikhede, en hoe dit jou manier van aantrek beantwoord, fokus. “Jou stylpersoonlikheid is so belangrik, en dit is iets waarmee jy gebore is. Party vrouens het ‘n romantiese persoonlikheid, ander nie. As jy jou stylpersoonlikheid verstaan, kan jy jou klerekas reg kies, volgens jou persoonlikheid, en nog steeds stylvol lyk.” Sy gaan ook aandag skenk aan die kleurgroepe en grimering. “Dit gaan ‘n heerlike dag van praktiese wenke wees, met hopelik vele vrae uit die gehoor.” Die Sjampanje-ontbyt word deur Flower Valley se voorskool, die Early Learning Centre, aangebied. Hulle bied onderrig aan kinders tussen twee- en ses jaar. Kaartjies kos R50 per persoon en is ten bate van die skool.
Vir enige navrae kan Natasha Forbes by 072-150-4826 geskakel word, of stuur 'n e-pos aan haar by elc@flower valley.co.za.
Onthou die datum: Saterdag, 11 Mei 2013 om 10:00.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
