Die onderwaterkamera wat op Pearly Beach se strand uitgespoel het
"Ek het hierdie onderwaterkamera op Pearly Beach se strand opgetel waar dit vermoedelik uitgespoel het," vertel Jeff Oosthuizen van Pearly Beach. Jeff sê die kamera was erg aangepak en dit was duidelik dat dit vir 'n geruime tyd in die see was. Hy het die kamera deeglik skoongemaak en na Johan Pieterse van Jo-Signs geneem. "Johan het die geheuekaart afgetrek en die inligting dui daarop dat die kamera vermoedelik vir navorsingsdoeleindes gebruik is," sê Jeff. Gansbaai Courant het vir Wilfred Chivell van Dyer Island Conservation Trust gekontak, wat terstonds by die kantoor kom inloer het. Wilfred het die kamera geïdentifiseer en gemeld dat dit 'n uitstekende kamera met 'n hoë geldwaarde, tussen R4,000 en R5,000, is. "Met hierdie kamera kan daar bo en onder die water uitstekende foto's geneem word," het Wilfred gesê. Wilfred het na 'n Duitse toeris verwys wat 'n onderwaterkamera verloor het en sal navraag in dié verband doen. (Vir identifisering deur die wettige eienaar word die fabrikaat van die kamera nie vermeld nie). Intussen kan lesers wat dalk weet van so 'n kamera wat verlore geraak het, vir Jeff Oosthuizen by 082-555-1207 kontak om die kamera te identifiseer.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
