Gansbaai Gamers se rekenaarborgskap aan BARC, met vlnr Riaan van Lill, Annalie Jonker, Jacques van Lill en Phillip Schreck, met die rekenaar en toerusting by hulle in Gansbaai Toerismekantoor
Die aktiewe groep rekenaarjongmense van Gansbaai Gamers, het lankal reeds bewys hulle speel nie net rekenaarspeletjies en ontvang donasies nie. Onlangs het hulle 'n volledige rekenaar met programme en toerusting aan BARC geskenk. Die tweedehandse rekenaarboks (CPU), wat aan die jongmense geskenk is, is gratis deur Riaan van Lill, eienaar van Computer Something en een van Gansbaai Gamers se lede, opdateer en met relevante programme gelaai. Riaan het ook 'n nuwe sleutelbord en muis daarmee saam geskenk.
Vir rekenaarprobleme en dies meer, kan Riaan van Lill by 076-647-6443 gekontak word. Die skerm is 'n vorige skenking aan Gansbaai Gamers, wat hulle aan BARC beskikbaar gestel het. Jacques van Lill, sameroeper van Gansbaai Gamers, het die oorhandiging saam met Riaan aan Annalie Jonker en Phillip Schreck van BARC gedoen. "Ons wou lankal begin om ons statistieke, wat tans per hand bygehou word, te rekenariseer," het Annalie gesê. "Met hierdie goedgunstiglike skenking deur Gansbaai Gamers kan ons nou daadwerklik daarmee begin."
Hulle onlangse byeenkoms is weer goed bygewoon, met enkele nuwe lede wat bygekom het. Gansbaai Superspar het die jongklomp weer met warm drinkgoed, broodrolletjies en verversings geborg. Hulle het ook al verskeie dienste teen vergoeding gelewer, waarvan hulle die fondse tot voordeel van die klub aanwend. Mense wat van hulle tweedehandse rekenaars ontslae wil raak, kan dit gerus aan die klub skenk. In sommige gevalle word van die rekenaarparte onderling as spaarparte benut, of hulle bou rekenaars op waarmee wat hulle dan óf aan jongmense sonder rekenaars skenk, óf aan individue en liefdadigheidsorganisasies skenk wat 'n rekenaar benodig, maar dit nie kan bekostig nie. "Baie dankie ook aan tannie Glenda Kitley van Gansbaai Toerismeburo vir die saalfasiliteite wat tot ons beskikking gestel word," sê Jacques.
Navrae rakende die Gansbaai Gamers, veral deur jongmense, kan aan Jacques by 072-786-2340 gerig word, of stuur ‘n e-pos aan hom by jacquesvanlill@gmail.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
