Petra van Rensburg saam met van die gaste.
‘n Oggend van styl, kleur en mode is gevier by die Sjampanje Ontbyt te Flower Valley Plaas net buite Gansbaai op Saterdag 11 Mei. Ongeveer 60 dames het die Sjampanje Ontbyt wat ten bate van die Flower Valley Voorskooltjie was bygewoon. Voorkomskonsultant Patricia Franken het vir die dames verskeie wenke aangebied oor kleure – en hoe om jou gelaatskleur en hare te beklemtoon. Modelle is ook gebruik om te wys hoe om klere te kies wat ‘n figuur vlei. Sy het ook grimeringswenke gedemonstreer vir die gehoor. Volgens Natasha Forbes, onderwyseres by die Flower Valley Voorskool, en organiseerder van die ontbyt, was die dag ‘n reuse sukses. “Die dames het die dag vreeslik geniet, en ons het wonderlike positiewe terugvoering gekry. Die voorkomsadvies was baie prakties, en maklik om te verstaan.” Sy het alle borge bedank vir hul bydraes tot die sukses van die dag.
Patricia Franken gee grimeerwenke vir die dames.
Die gehoor het ‘n heerlike ontbyt ook geniet, en het daarna pryse gewen gedurende ‘n ‘lucky draw’ kompetisie. Al die dames het ook ‘n handruiker, tydskrif en sepie ontvang.
Fondse wat ingesamel is, is oorhandig aan Flower Valley se voorskool, die ‘Early Learning Centre'. Dis skooltjie bied ‘n onderrig aan leerders tussen die ouderdom van twee en ses. Die skool is ‘n lid van die Eko-Skole Program, en die kurrikulum vir die kinders sluit dus in ‘n omgewings-gebaseerde onderrig.
Vir meer inligting oor die skool, kontak Natasha Forbes.
Email: elc@flowervalley.co.za, of tel: 028 388 0713.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
