Die groepie manne wat hul onthaalstaal met Moedersdag getoon het, met voor vlnr Bev Swart, Raymond Rabe en Kobus du Toit. Agter vlnr is Johan Wiese, Phillip Fourie, Steve Muller, Dirk Bester, Dirk Buchner, Ralph Gibbs en Hardus Botha
Die manne van die Birkenhead Boothengelklub in Gansbaai hawe het behoorlik hulle "onthaalstaal" op Moedersdag getoon. Phillip Fourie, ondervoorsitter, het die leisels opgeneem en die resultate was 'n suksesvolle Moedersdagete in die klubsaal. Die voorafbeplanning, spyskaart en wie wat moet doen en wat voorberei moet word, is deur die groepie manne aangepak. 'n Volledige 3-gangmaaltyd is voorgesit en op 'n uiters profes-sionele wyse aangebied. By die voordeur is gaste vriendelik met 'n glasie sjerrie verwelkom, met elke dame wat 'n geskenkpakkie en kaartjie ontvang het, voordat hulle by die netjies-versierde tafels gaan aansit het. Daar het vonkelwyn op hulle gewag en kort daarna 'n smaaklike seekoskelkie. Die "opskeppers" was agter geslote deure, met vier flink manne met strikdasse en al wat die gaste bedien het en borde en eetgerei weer ewe flink van die tafels af verwyder het. Die Drie Snare, Raymond Rabe, Dirk Buchner en Kobus du Toit het tussendeur, met hul eie kitaarbegeleiding, egte Moedersdagliedere gesing. Drie "sprekers" het elk die geleentheid ontvang om 'n spesiale Moedersdagboodskappie oor te dra. Die enigste "klagte" oor die ete was dat dit hopeloos te veel kos is wat voorgesit is, asof mens dít nou as 'n klagte kan beskou. Die manne, hengelaars en sosiale klublede, het duidelik gewys waartoe hulle in staat is met die eiehandige aanbieding van 'n funksie, en dit vir bykans 70 gaste. Gansbaai Courant het vertroulik verneem dat daar so hier en daar 'n dame-klublid se hand nadergetrek is, maar selfs hulle het bevestig dat die inisiatief en eintlike harde werk "man-alleen" deur die manne gedoen is, maar daar wag dalk vir hulle 'n verrassing as hulle dink Vadersdag sal slegs deur die dames behartig word!"
Hardus Botha
Een van die "kelners", Steve Muller, besig om die gaste te bedien
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
