'n Deel van die HaS-ontvangers van warm handskoene van die Bietoubossers, met voor vlnr Ans Odendaal, Christina Jordaan, Trynie Fick, Sophie Andrews en Beatrix Swanepoel. Agter vlnr staan Suster Linda Meyer, Carina de Waal, Elizma de Lange en Leonie Botha.
Warm hande vir Herberg-aan-See (HaS) se inwoners is dit inderdaad. Die bedrywige dames van die Bietoubos Damesklub van Perlemoenbaai en De Kelders loods jaarliks 'n welsynsprojek (of omgeeprojek) ten bate van een of ander instansie.
"Vanjaar is besluit dat die inwoners van HaS 'n bietjie bederf moet word," vertel Elzma de Lange van die klub. "Ons het aan die koue wintermaande, gepaardgaande met koue hande vir die inwoners van Herberg-aan-See Tehuis vir Bejaardes, gedink en op die brei van vingerlose handskoene besluit." Vier maande later kon 41 paar handskoene op Donderdag, 23 Mei aan die inwoners oorhandig word.
Carina de Waal, Elizma de Lange en Leonie Botha het die Bietoubossers met die oorhandiging van die handskoene verteenwoordig.
Suster Linda Meyer, Bestuurder: HaS het die handskoene in ontvangs geneem en haar opregte waardering vir die mooi gebaar uitgespreek. "Bydraes soos hierdie is altyd welkom," het sy gesê. "Ons het altyd rede vir groot dankbaarheid, soos ook met ons gordyne-projek wat geloods is," vertel Linda. Sy sê die reaksie was oorweldigend en hulle kan met dankbaarheid sê dat hulle nou voldoende gordyne het. "Die enigste 'probleem' is dat die gordyne oor die algemeen baie groot is en dus verwerk sal moet word voor ons dit sal kan gebruik." Vir hierdie verwerking om die gordyne in twee te sny en gereed te kry vir ophang, sal naaldwerkstershulp hoog op prys gestel word. Die personeel sal nie saam met hulle daaglikse werk ekstra hande daarvoor kan afstaan nie.
Indien daar handige naaldwerksters is wat vir so 'n taak kans sien, kan hulle gerus vir Suster Linda by 028-384-2109 skakel.
Hardus Botha
Die Bietoubossers se gesellige Moedersdagkuiertjie, met gedekte tafels op unieke maniere, voorlesings wat aan moeders opgedra is en "moeder-staaltjies" wat vertel is.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
