Twee van die Herberg Kinderhuis te Robertson se Gr 12-leerders (matrikulante) wil graag volgende jaar verder gaan studeer om sodoende vir hulself 'n toekomspad te kan uitwerk. Lou-Mare (regs) is al vir die afgelope 16 jaar 'n inwoner en leerder by die kinderhuis, terwyl Nceba (onder) vir die afgelope 4 jaar daar is. Lou-Mare beoog 'n studierigting in Administrasie en Bemarking, terwyl Nceba homself graag in 'n meganiese rigting wil kwalifiseer.
Gedeeltelike beurse ter ondersteuning is reeds aan hulle toegeken, maar daar is vele onkostes wat deur die kinderhuis voorsien sal moet word. "Met elke klein bydrae kan ons help om hierdie leerders se toekoms vir hulle te verseker en 'n groot verskil in hul lewens te maak," sê Petro Uren, Bemarker van die Herberg Kinderhuis. Sy sê die JJ Steyn Classic Cycle Tours Bergfietswedren word vanjaar ten bate van hierdie twee leerders aangebied. Die fietstoer vind vanaf 22 tot 29 Junie 2013 plaas en die fietsers ry vanaf Belville tot by Knysna.
"Ter ondersteuning soek ons borgskappe van R1.00 per kilometer, maar dit hoef nie noodwendig vir die volle afstand te wees nie," sê Petro. " Dan is daar ook 2 groot pryse wat deur 2 donateurs losgeslaan kan word: 1 x 6 bottels Thunderchild Bordeaux versnit rooiwyn en 3 nagte vir 2 persone in die Bhejane Game Lodge.
"Alle skenkings en donasies is belasting aftrekbaar, aangesien die kinderhuis aan BEE vereistes voldoen," sê Petro. Die Herberg Kinderhuis se bankbesonderhede is ABSA - Robertson - Tjekrekeningnaam: Herberg Kinderhuis, met nommer 1200390004 en verwysing as CY to CX.
Belangstellende bergfietsryers wat wil deelneem, kan vir Johan Steyn by 082-938-9886 skakel. Vir algemene navrae, borgskappe en/of donasies kan Petro Uren by 023-626-3140 geskakel word, of stuur 'n e-pos aan haar by rek@herberg.co.za.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
