Die rustige atmosfeer by St Pauls Laerskool buite Stanford, met die een skoolgebou in die agtergrond
Die byna "vergete en onbekende" skool vir Gansbaaiers, die St Paul's Laerskool, is "veraf geleë" tussen die plase buite Stanford. Ry sowat 4km uit Stanford op die Akkedispas-pad (Caledon-roete) tot by die bordjie "Papiesvlei/Elim". Dan wag 'n ±13km grondpad (nie te sleg nie) tot by die hekke van "skool 1". 'n Entjie verder wag "skool 2" se hekke. Gr 4-7 leerders, sowat 30, ontvang by "skool 1" onderrig en by "skool 2" word Gr R en Gr 1-3 leerders, sowat 40, onderrig. Maar dis darem nie werklik "2 skole" nie, dis net op afsonderlike gronde, stapafstand van mekaar, geleë. Die tweede gebou is op die plaas van Koos Smit wat 'n Trust gestig het vir die oprigting van fasiliteite om die grondslagfase te akkommodeer. Die skoolhoof, Jacques Korkie, is vir Gr 6 en 7 verantwoordelik. Me A Appel onderrig Gr 4 en 5. Me J Smith is die Akademiese bestuurder by Fynbos Trust, wat hierdie jaar op volle dreef is om met die Grondslagfase te help. Dan is daar me C van Wyk vir Gr R, me A October vir Gr 1, me E Long vir Gr 2 en me D Lucas vir Gr 3. "Vyf van ons leerders het aan die onlangse Eistedfodd deelgeneem en ons is trots dat hulle 2 Cum laude-, 2 goue- en 1 silwer toekennings ingepalm het," vertel Jacques. Hierdie "veraf geleë" skool moet dus nie op sy baadjie takseer word nie. Dit het byvoorbeeld duidelik geblyk tydens Gio Aplon, bekende vleuel en heelagter van Westelike Provinsie, Stormers en ook die Springbokke, wat 'n rugby-afrigtingskliniek op Gansbaai Gemeenskaplike Sportgronde vir o/13 laerskoolspanne aangebied het. St Paul's se spannetjie het in netjiese uitrustings opgedaag en sommer goed gelyk en goed gevaar. Die skool het ook uitstekende prestasies tydens die geskiedkundige Sportdag vir Eenheidsklasse in Gansbaai behaal.
Die skoolgebou was aanvanklik as 'n kerk gebruik en die naam is ook van die Anglikaanse Kerk afkomstig, met die eerste gebou wat op die grond van 'n Duitser, Eerwaarde Will gebou is. Die skool is op 8 Oktober 1935 deur Eerwaarde Canon Earp Jones en Kaptein Smuts geopen. Gansbaai Courant sal in 'n opvolgartikel meer oor die interessante agtergrondgeskiedenis, met foto's, van St Paul's Laerskool berig.
Vir navrae of die aanbied van borgskappe en/of onder-steuning, kan Jacques Korkie by 028-341-0222 gekontak word, of stuur 'n e-pos aan hom by jacqueskorkie@ gmail.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
