Die Pearly Beach Bewarea wil graag ‘n ernstige beroep op alle huiseienaars en besoekers aan Pearly Beach doen om asseblief deel te neem aan die herwinningsprojek van huishoudelike vullis. Die Overstrand Munisipaliteit het alle moontlike maatreëls geneem om dit vir almal so maklik as moontlik te maak om aan hierdie projek deel te neem. Waar gewone huishoudelike vullis in swart vullissakke weekliks verwyder word, moet alle herwinbare vullis, soos byvoorbeeld papier, plastiek, blik, en glas in deurskynende vullissakke ook een maal per week uitgesit word.
In Pearly Beach se geval word vullis op Maandae verwyder en inwoners word vriendelik versoek om nie vullissakke voor Maandae uit te sit nie, aangesien dit gereeld deur honde, wilde diere en ook mense verskeur word. Ongelukkig is dit so dat vullissakke deur mense in die fynbos ingesleep word, waar dit vir bruikbare artikels deursoek word, en dan net daar in die veld gelos word. Dit bring mee dat die vullis deur die wind regoor die dorp versprei word , ‘n situasie wat ons ten alle koste wil verhoed. Die herwinningsdepot langs die LOKO is Maandae tot Vrydae van 08:00 – 16:00 oop en op Saterdae en openbare vakansiedae vanaf 11:00 – 16:00. Mnr Peet Staples is daar werksaam en hy is meer as bereid om ook enige navrae te beantwoord.
Op Sondae word twee groen vullisdromme voor die hekke geplaas en kan inwoners wat die dorp na die naweek verlaat, hulle vullissakke daarin plaas, met die wete dat die nie deur rondlopers op die sypaadjies verskeur sal word nie. Huiseienaars kan ook 2 maal per maand tuinvullis gratis hier gaan aflaai. ‘n Gratis permit vir hierdie doel is by die Gansbaai munisipale kantoor beskikbaar, waar gratis herwinningssakke ook afgehaal kan word. Kom ons werk saam en neem deel aan hierdie projek tot bevordering en beskerming van ons omgewing.
Elrina Versfeld, Pearly Beach Bewarea
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
