Solank die weer so bly is daar hoop! Sover het dit egter nie gehelp nie en het die vis skaars gebly. Dit is tog so dat dit nou tyd word vir die snoek om gesig te wys en as die weervoorspelling korrek is gaan die noordwestewind die komende naweek ‘n hond uit ‘n bos waai en wat kan ons dan verwag? Geen prys vir die ou wat geelbek voorspel nie! Daar word ‘n stormwind verwag en hoewel ons ook kwaai winde vroeër die jaar gehad het behoort dit nie te kan kers vashou by wat aan die kom is nie. Indien my voorspelling verkeerd is beloof ek om die res van die jaar my smoel te hou.
Die normale verloop van sake is dat die vis oor die algemeen met die aanbreek van die winter en natuurlik die meegaande koue en rowwe water, dieper gee pad. Dus, dis waar jy jou vis behoort te kry. Moet sê, ek sal nogal verbaas wees indien enige patroon gevolg word. In ‘n vorige rubriek het ek melding gemaak van die feit dat dinge deurmekaar loop en dat die windrigting en sterkte daarvan veral, nie meer so ‘n staatmaker aanduiding van seetoestande is nie.
Ons het baie lank laas makriel by ons raakgeloop en wie weet nog hoe lyk ‘n tjokka? Selfs die snoek wat sporadies hier gevang word was maar eina -- en ek verwys veral na die grootte daarvan. Daar is natuurlik ouens wat goed onder die kabeljou ingeklim het, maar nou ja, dis die manne wat die kuns vervolmaak het om met die eina-bootjies hulle ding te doen. Meeste van die ander ouens moes maar tevrede wees met die kleiner visse, maar die ou bulle wat wel gevang is kan maar mee gespog word. Al ander vis wat werd is om genoem te word is die hotties wat vanjaar regtig besonders is. Vet en lekker! En ook nie skaam om te byt nie. PW’s moet darem ook gemeld word -- bulletjies van so 4 kilo’s is darem nie te versmaai nie. En so tussenin nog romanne en silwervis. (Skielik klink dit nie heeltemal so sleg nie).
Kom ons hoop dat die geelbek uiteindelik, (soos almal nou verwag), wel opdaag, en dit sommer ordentlik doen.
Die stokmanne vaar darem beter en mooi galjoen het al op die braairooster beland en dan word mosselkrakers en sommer ordentlike steenbrasse ook, gevang. Hulle het ook lekker ingeklim onder die kabeljou. Somtyds word ek ingelig wáár, maar as ek daardie skelm glimlag sien, wonder ek tog!
Hengelgroete, Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
