Wynmakers en brandewynmeesters wat hoop op ‘n toekenning of twee in Suid-Afrika se mees toonaangewende wynkompetisies, moet die dagboek nadertrek aangesien inskrywings nou ingewag word. Terwyl die sluitingsdatum vir inskrywings vir die land se oudste wynkompetisie, die SA Jongwynskou, op 8 Julie val, het kelders kans tot 21 Augustus om hul bestes vir Veritas in te skryf.
Jongwynskou
Die 180-jaar oue SA Jongwynskou is die land se enigste kompetisie waar uitsluitlik wyne van die huidige oesjaar hulle staal kan wys. Kelders skryf jaarliks sowat 2000 wyne in om hul spesifieke wynstyle met dié van hul eweknieë te vergelyk. Wyne ding mee in sewentien kategorieë en die Generaal Smuts trofee vir die algehele kampioen dien as hoogste lof. Die Pietman Hugo trofee vir die kelder met die hoogste punte vir vyf verskillende inskrywings, of ‘n SA Kampioen is natuurlik ook nie te versmaai nie.
Die beoordeling van vanjaar se jongwyne vind plaas van 22 tot 26 Julie by die Nederburg Veilingkompleks en die wenners word aangekondig op 15 Augustus.
Veritas
‘n Veritas dubbelgoud is ongetwyfeld ‘n benydenswaardige pluimpie vir die vaardighede van plaaslike wynmakers en brandewynmeesters. Hierdie gesaghebbende kompetisie verdien die respek van wyngeesdriftiges en –kenners wêreldwyd en gevolglik ding sowat 1700 markklaar wyne en brandewyne jaarliks mee om die gesogte Veritas simbool van hoogstaande gehalte.
Laat inskrywings word teen ‘n verhoogde fooi tot 29 Augustus aanvaar. Brandewyninskrywings word op 13 September beoordeel en die magdom wyne word van 16 tot 20 September geproe. Die sluitingsdatum vir inskrywings, sowel as die beoordelingsproses vind twee weke later as in die verlede plaas wat kelders addisionele voorbereidingstyd gun.
Vanjaar se wyne en brandewyne wat ‘n dubbelgoud, goud, silwer of brons medalje waardig is, word gedurende ‘n glansdinee op 5 Oktober by die Kaapstad Internasionale Konvensiesentrum (KIKS) bekend gemaak.
Besoek www.youngwineshow.co.za en www.veritas.co.za vir volledige inligting en inskrywingsvorms, of kontak Elsabe Ferreira by 021 863 1599, faks 021 863 1552 of via e-pos na admin@veritas.co.za.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
