Anton Goosen het as gaskunstenaar tydens Valiant Swart en Denvor Phokaners se opname vir SABC2 in Gansbaai opgetree. Valiant en Denvor is die aanbieders van die nuwe TV-program van sowat 26 weeklikse episodes, Mooiloop, wat reeds in die plek van Pasella op Woensdae gebeeldsend word. Dit is ‘n nuwe reis- en leefstylreeks en die doel van die program is om op plattelandse dorpe te fokus. Die twee aanbieders “deurkruis die platteland op ‘n ontdekkingstog na die hart en siel van Suid-Afrika en sy mense.” Gansbaai was die agste opname vir die program en behoort gedurende Augustus gebeeldsend te word.
Vlnr is Anton Goosen, Denvor Phokaners en Valiant Swart tydens ‘n opname in The Boathouse Restaurant vir die nuwe TV2-program, Mooiloop
Gerrit Rautenbach, navorser van die onderskeie dorpe en redakteur van die Mooiloop-webtuiste, het die fokuspunt van die program só opgesom: “Een dag in die lewe van ‘n dorp.” Verskeie persone en besienswaardighede in en om Gansbaai, asook in Baardskeerdersbos, is deur die filmspan en aanbieders besoek en etlike onderhoude is gevoer. Gerrit het relevante inligting vir die basis van hulle Gansbaai-besoeke by Glenda Kitley, Bestuurder: Gansbaai Toerisme, gekry. Die detail van die verskillende opnames word op Gerrit se versoek verswyg. “Eerstens omdat alle onderhoude, weens verskillende omstandighede, nie noodwendig altyd by die program ingesluit word nie en tweedens moet dít wat wel gebeeldsend word, ‘n verassing vir die gemeenskap wees,” het hy gesê. Gansbaai Courant het wel tydens die opname van Anton Goosen in gesprek met Valiant en Denvor in The Boat House Restaurant in Gansbaai hawe gaan inloer.
Gansbaaiers kan die Mooiloopprogram gedurende Augustus op Woensdagaande om 19:30 vir die Gansbaai-onderhoude dophou om te sien met wie daar almal onderhoude gevoer is en waaroor daar alles gepraat en na gekyk is.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
