Solidariteit Helpende Hand-ondersteuners het die organisasie oorval om pakkies wol vir handtoffels aan te koop.
Met die Handtoffel-projek word die gemeenskap aangemoedig om pakkies wol by Helpende Hand aan te koop en dit dan aan bejaardes te skenk, sodat hulle handtoffels kan brei. Hierdeur word die bejaarde kreatief besig gehou en by die gemeenskap betrek deur weer 'n bydrae te lewer.
Ondersteuners het ook self aan die brei gespring. Linda van Heerden brei al vir jare lank in die aand terwyl sy televisie kyk en sy het Helpende Hand genader om die gebreide truie, serpe en handskoene te skenk. Sy het ook onmiddellik aangebied om handtoffels te brei met die bolle wol wat sy oor die jare versamel het.
“Handtoffels is 'n pantoffel vir jou hand,” sê Michelle Burger, die projekorganiseerder. “Ons het dié nuutskepping ook by die Woordeboek vir die Afrikaanse Taal (WAT) geborg.
“In die pakkies wat ons verkoop is 'n bol wol, breipenne en die patroon vir die handtoffel. Enige bejaarde kan dan twee pare handtoffels daarmee brei, wat dan weer aan behoeftige kinders versprei sal word.”
Die pakkies word teen R25 elk verkoop en die wins daaruit sal vir die Helpende Hand Bejaardefonds aangewend word. Die fonds is gestig met die doel om bejaarde-organisasies by te staan met hulle behoeftes.
'n Verdere doel van die Handtoffel-projek is om die vaardigheid van brei weer aan 'n uwe geslag oor te dra. Bejaardes wat aan die Handtoffel-projek deelneem, word aangemoedig om jonger mense te leer om te brei.
Helpende Hand verwelkom steeds enige skenkings van gebreide produkte van die gemeenskap.
“Helpende Hand werk in die gemeenskap om armoede te voorkom, te verbreek en te verlig,” sê Burger. “In die geval van weerlose bejaardes kan armoede – fisies en emosioneel – steeds verlig word.”
Enige breiers kan foto’s van hulleself met handtoffels aan vir Helpende Hand stuur om op die Facebook-blad by www.facebook.com/helpendehand.co.za gepubliseer te word.
Enige persone wat belangstel om by die projek betrokke te raak of pakkies wol te bestel, kan die projekorganiseerder, Michelle Burger, by 012 644 4390 skakel of ʼn e-pos stuur aan michelleb@helpendehand.co.za.
SMS die woord “OMGEE” aan 38969 en skenk so R10 aan die Helpende Hand Bejaardefonds.
Juanita du Preez, Mediaskakelbeampte
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
