Hy is een van Suid-Afrika se gewildste skrywers en sy boeke word in 25 tale vertaal. Nou maak Deon Meyer ook sy debuut as filmregisseur met die rolprent Die Laaste Tango, ‘n spanningsvolle liefdesverhaal propvol intrige. Meyer het ook die draaiboek geskryf. Die rolprent is in Loxton in die Karoo verfilm.
Herkules de Wet (Louw Venter), ‘n 34-jarige werkverslaafde speurder, stel ‘n lokval vir Basson (Stian Bam), ‘n psigopaat wat nege vroue grusaam vermoor het. Wanneer hy hom vang, rand hy die reeksmoordenaar in woede en haat só erg aan dat De Wet drie jaar se uitmergelende werk en ‘n skuldigbevinding in ernstige gevaar stel.
De Wet se baas stuur hom na Loxton, ‘n afgeleë dorpie in die Bo-Karoo, om af te koel en te wag dat die omstredenheid oorwaai. Hier ontmoet hy vir Ella Winter (Antoinette Louw), die mooi, passievolle vrou wat sterwend is aan kanker. De Wet se enigste doel is om die tyd te verwyl sodat hy sy pligte as speurder kan hervat, en die verlammende verveling te beveg. Ella se wens is om nog een laaste keer te tango.
De Wet is aanvanklik huiwerig om te leer dans, maar Ella se lewenslus en skoonheid – en sy eie begeerte na heling – laat hom al hoe dieper betrokke raak by dié uitsonderlike vrou.
Intussen ontwaak Basson in die hospitaal, en beplan sy wraak teen De Wet. Hy slaag daarin om te ontsnap, en sy bloedspoor lei na die Bo-Karoo. Op die nag van die laaste tango, daag die reeksmoordenaar in Loxton op.
Ook in die rolverdeling is Marius Weyers as Kapt. Mauritz Duvenhage, Loukmaan Adams en Heino Schmitt as speurder-sersante Basie Beyers en Dave Malan, Ilse Oppelt as Kol. Marga Hoffman en Rob van Vuuren as die skelm prokureur Kevin King. Die Laaste Tango word versprei deur Nu Metro Films en is landswyd op 5 Julie 2013 vrygestel.
Vir media-navrae kontak Annarie Hugo by 072-214-4590 of annarie@annarie.co.za.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
