Vlnr is Dickie en Wilfred Chivell saam met Brenda du Toit tydens ‘n aanbieding oor seevoëls in die Great White House
“As ‘n groep is seevoëls deel van die mees bedreigde voëlspesies in die wêreld, met bykans ‘n derde van alle spesies wat op die globale rooilys vir bedreigde spesies opgeneem is. Seevoëls domineer ook die lys van bedreigde spesies op streeksvlak in Suid-Afrika,” het Wilfred Chivell van Dyer Island Conservation Trust (DICT) tydens sy aanbieding oor seevoëls in die Great White House gesê. “Hierdie voëls word nie net op see deur menslike aktiwiteite bedreig nie, maar ook by hulle broeiplekke.”
Etlike seevoëlspesies is deur Wilfred bespreek en te oordeel aan die vele vrae wat gevra is, was dit ‘n baie interessante onderwerp vir die aand. Eerste aan die beurt was die kosbare Afrika pikkewyn (Spheniscus demersus) waarvan die absolute bedreigde situasie alombekend is. Die laaste telling het aangedui dat daar slegs sowat 800 pare op Dyer Eiland oor is. “Die pikkewynneste wat lankal reeds aan almal bekend is, is intussen verbeter deurdat luggate in die dakke van die neste gemaak is, met ‘n “afdak” bo-oor vir beskutting.”
Met verwysing na albatrosse (Diomedea cauta), het Wilfred hulle as “incredible and magical” beskryf. “Hulle moet hardloop voor hulle kan opstyg en as hulle eers in lug is, kan hulle selfs 17,000-19,000 kilometers ver vlieg sonder om die grond te raak. Hulle word ook as die grootste voëls in die wêreld gereken, met sommiges wat ‘n vlerkspan van selfs groter as 3.5 meter het,” het Wilfred gesê. Van die seevoëls wat van nader bekyk is, is die 4 bekende Kormorantspesies (Phalacrocorax) wat in hierdie omgewing aangetref word. “Die belangrikste gevare en roofdiere is seemeeue, pelikane, wilde kalkoene, hadida’s, reiers, robbe, seeleeus, slange, roofmeeue, verskeie katspesies, muishonde en rotte, maar die belangrikste bedreiging is die mens, veral met langtermyn versteuring van broeiplekke,” het Wilfred gesê. Dyer Eiland verskaf ‘n tuiste aan meer as 29 verskillende spesies van seevoëls regdeur die jaar, hetsy as rusplek vir trekvoëls of permanente “inwoners” wat nesmaak en broei. Na afloop van Wilfred se aanbieding, is die gaste oudergewoonte op smaaklike sop en brood getrakteer. DICT se webtuiste, www.dict.org.za kan gerus besoek word vir detail-inligting oor seevoëlspesies, bewaringsprojekte en veel meer.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
