Die bemanning van Nu-Nu wat baie goed gevaar het, met vlnr Phillip Fourie, Johan Burmeister en Gawie Krugel
Die Birkenheaders se maandelikse boothengelkompetisie kon weer plaasvind, met die weer en seetoestande wat vir ‘n slag saamgespeel het. Veral mooi snoeke is ingetrek. Net 3 bote het ingeskryf en ingeweeg, met 'n totale aantal bemanningslede van 10. Nege verskillende spesies is ingeweeg. Die totale aantal vis wat ingeweeg is, is 87 met 'n totale massa van 120.2kg, wat ‘n gemiddeld van 12.02kg per hengelaar beteken het.
Die volledige uitslae is soos volg: Swaarste vis, Johan Burmeister (Snoek - 4.50kg); 2de Swaarste vis, Jean Downing (Snoek - 4.10kg);
Swaarste sak, Johan Burmeister (32.45kg); 2de Swaarste sak, Gawie Krugel (30.4kg);
Swaarste bootgemiddeld, Nu Nu van Johan Burmeister en Gawie Krugel (29.22kg); 2de Swaarste bootgemiddeld, Relêks 2 van Jean Downing (5.23kg); Dame Swaarste sak, Elna van Zyl (7.05kg).
Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister en Gawie Krugel (84.40kg); Jay-Bee 2 van Piet en Elna van Zyl (41.01kg); Relêks 2 van Jean Downing (39.85kg);
Mans Visvangkampioene - Johan Burmeister (86.70kg); Piet van Zyl (41.15kg); Gawie Krugel (66.25kg).
Dames Visvangkampioen - Elna van Zyl (44.75kg); Dixie Walsh (29.95kg).
Dan het Jean Downing gesorg vir ‘n nuwe klubrekord met sy makriel van 1.55kg.
Die aandfunksie, met 'n bykans vol klubsaal, het baie gesellig verloop, met smaaklike Potjiekos soos wat net Kobus du Toit dit kan maak. Piet van Zyl het namens voorsitter Raymond Rabe, wat met verlof was, agter die Musiekfabriek ingeskuif en homself goed van sy taak gekwyt. Die geselligheid, met hengelprestasies vergete, het tot laataand geduur.
Algemene navrae rakende die Birkenhead Boothengelklub kan aan voorsitter Raymond Rabe by 082-928-0594 gerig word, met kompetisienavrae aan wedstrydsekretaris Johan Burmeister by 082-895-7647.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
