Met die eerste been van vanjaar se Fees van die Ganse, die Winter Fynbosskou en Musiekfees, pas agter die rug, kan inwoners en besoekers begin uitsien na die tweede been van die jaarlikse Fees van die Ganse, die Seekos Straatfees / Seafood Street Festival op Saterdag, 21 September in die midde-dorp.
Vele versoeke is in die verlede ontvang om die Fees van die Ganse na ‘n meer sentrale punt te verskuif, asook uit die wintertyd uit, wat nou gedoen is. Daar is op die mees praktiese sentrale punt besluit: vanaf Hoofstraat af tussen Voortrekker- en Markstrate tot by Kerkstraat, met die verhoog en hooffokusarea langs Nedbank in Markstraat. Feesitems sluit in verskeie kunstenaars, Mnr/Mej Fees van die Ganse, Klein Kaapse Klopse, Lyndansers, Kolgooi, Kindervermaak, Kaskarwedrenne, Treinritte, Stalletjies, Biertent en veel meer. Van kaskarre gepraat, die organiseerder, Jacques van Lill is dringend opsoek na enige wieletjies en ander parte vir die bou van die kaskarre. Jacques kan by 072-786-2340 geskakel word, of stuur ‘n e-pos aan hom by jacquesvanlill@gmail.com.
Dan het die Feeskomitee en Herberg-Aan-See se basaarorganiseerders besluit om vanjaar saam te werk, met die basaar se Suzuki-saamtrek op die skoolgronde wat ook deel van die Fees sal vorm. Verdere opwinding is ‘n opwindende Feesliedjieskryf-kompetisie met pryse op die spel. Een van die hoogtepunte is die opvoering, Groet die Grotman, wat die aand om 20:00 in die Pretoriussaal aangebied word.
Kaartjies is reeds by die Toerismekantoor beskikbaar en vroegtydige besprekings word sterk aanbeveel. Vir enige feesnavrae, besigheidsdeelname, die feesliedjieskryf-kompetisie of kaartjies vir Groet die Grotman, kontak vir Glenda Kitley by 072-291-5564, of stuur ‘n e-pos aan haar by gansbaaimanager@telkomsa.net. Teken nou reeds die belangrikke datum aan: Saterdag, 21 September 2013 vir ‘n feestelike Seekos Straatfees!
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
