Gansbaai Sakekamer kon op 12 & 13 Augustus 'n kursus oor Entrepreneurskap fasiliteer & organiseer. Dit is deur die AHI aangebied vir 2 groepe Gr.12 leerlinge (na skoolure) by Gansbaai Academia. Altesaam 36 leerlinge kon die kursusse bywoon. Omdat die Sakekamer by die AHI geaffilieer is, kon die leerlinge dit gratis ontvang en so kon ons ons mense & gemeenskappe ondersteun. Gansbaai Sakekamer kon hier meewerk om 'n investering te doen ten bate van ons mense se toekoms.
Jannie Kruger van die AHI het die kurses hanteer vir beide groepe van leerlinge.
Elke leering het 'n gratis handboek ontvang en onderwerpe wat gedek is, sluit oa. die volgende in:
• Kies van die regte idee
• Voorbereiding
• Finansies
• Beplanning & uitvoering
• Bemarking
• Die suksesvolle entrepreneur
Ons sit in Suid-Afrika en in Gansbaai met 'n enorme werkloosheidsprobleem. Dit is eintlik tans 'n wêreldwye probleem. Die formele strukture kan net nie almal akkommodeer wat werk soek nie. In ons land kry skoolkinders basiese vaardighede maar weens ons lae standaarde in baie skole word leerders nie goed toegerus nie. Selfs al word hulle goed toegerus, kan die ekonomie net eenvoudig nie almal opsuig nie. Gevolglik moet baie mense vir hulleself sorg. En dit is hier waar vaardighede om 'n entrepreneur te wees dan krities belangrik word.
Gansbaai Sakekamer het met die insette van die AHI gepoog om 'n klompie senior leerders beter te bekwaam om vir hulleself te sorg. Dié wat die kursus bygewoon het, het van 'n klomp basiese vaardighede en tegnieke bewus geword wat hulle kan benut om hulle eie besighede mee te begin.
Op die ou end hang dit egter af wat jy self daarmee doen. As jy rustig agteroor wil sit en wag dat dinge gebeur, dan is dit jou besluit. Dié wat bereid is om hard te werk, is hopenlik nou beter toegerus. Nou kan elkeen met entoesiasme die geleenthede aanpak en met die gereedskap wat gegee is behoort hulle beter in staat te wees daartoe.
Sterkte met julle planne!!
Fanie Bothma, Voorsitter
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
