Wat 'n wonderlike dag is in Pearly Beach op 20 Augustus gevier.
Die Vrouediens, van die NG Kerk het hierdie mooi oggend vir die dames aangebied. Die eregas was Christine Jordaan. Alta van Niekerk het 'n kort afskeidboodskappie aan haar oorgedra namens die inwoners en die Vrouediens. Christine woon nou in Herberg-aan-See. 'n Baie mooi en paslike gedig is geskryf oor die oggend se gebeure deur Liesje van Woerkom, sy het ook aan elke model 'n gedig opgedra. Die wonderlike dames van Pearly Beach, NG Kerk het 'n lieflike oggend gereël wat beslis die moeite werd was. Ai tog, wens daar kon honderde dames wees om saam te geniet, ontspan en vergeet van dramas. Daar was flinke dames wat agter die skerm, fluks en sonder gekerm gewerk het. Iedereen kon ietsie saambring wat sentimenteel is. Die sentimentele gedagtes was goed en wonderlik. Ek het gewaar, hier en daar, is stilweg 'n traan weggepik.
Corra's Fashion het gesorg vir 'n modeparade. Die agte modelle was van die beste en elkeen 'n ster in eie reg. Ons gaan hulle beslis weer gebruik. Die verrassende pryse was nie te versmaai. Aan die einde het ons met koek en tee laat waai. Ons wil net graag die volgende mense bedank vir die lieflike geskenkbewyse wat aan die Vrouediens van Pearly Beach, NG Kerk geskenk is. Corra's Modewinkel te Gansbaai (Corra); Sarona's Health & Beauty Clinic (Sarona); Liezel Hair On Main road (Liezel)en Protea Flora van Gansbaai bloemiste (Carien).
Marietjie Gerber
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
