Uit en uit kreatiewe skeppings vir hoede
“Wat sê die liedjie - ‘Dis heerlike lente, die winter is verby’, maar ons wintertjie is maar nog in die lug,” sê Marietjie Gerber van die NG Vrouediens van Pearly Beach. “Maar weer eens het die Vrouediens van die NG Kerk Pearly Beach vir ‘n warm en gesellige Lente-oggend op 10 September gesorg.” Die byeenkoms is in die Pearly Shells Gastehuis te Pearly Beach aangebied, en niemand is deur die wind en ligte reentjie afgeskrik nie.
Mooi, elegante en kreatiewe hoede
Dit was ‘n Lente-Hoededag en die dames het hul hoofde met die mees interessantste hoede getooi, vanaf elegant en mooi tot by uiters kreatiewe skeppings. “Almal was vrolik, het gelag en grappies gemaak en dit was sommer ‘n baie gesellige en ontspanne oggend,” sê Marietjie. Die gasspreker was pastoor Berryl Coetzer, “met ‘n boodskap wat vir ons almal iets beteken het, al was dit hoe klein of groot - daar was vir ons elkeen ‘n boodskap wat ons saam met ons op die pad vorentoe kan dra en aan kan dink.”
Die wen-hoed van Ellan Erasmus
Past Coetzer se tema was ‘God droom oor jou’. “Het julle geweet dat God sy droom in elkeen van ons geplaas het? Moenie bang wees om God se droom te volg nie en moenie jou eie droom volg nie. Soms verstaan ons nie God se droom nie, maar sy droom is uniek en dis vir jou en daar was soveel vrede en kalmte en liefde in sy Hart vir jou as vrou,” het sy onder andere gesê. Ellan Erasmus van Pearly Beach is as wenner met die mees oorspronklike en kreatiewe hoed aangewys. Marietjie sê Ellan se hoed het uit ‘n lampskerm bestaan, geplak met ‘n ou ‘primus’-stofie se gaatjie-stekers, met ‘n ‘doily’ wat getooi was met kleurvolle gehekelde blommetjies en lavender uit haar tuin. “Nou ja, die oggend het gesellig verloop, met al die dames wat dit terdeë geniet het en ek sê graag baie dankie aan almal wat bygedra het dat die oggend so mooi en gesellig verloop het,” sê Marietjie.
Hardus Botha
Die gasspreker, past Berryl Coetzer staan links voor met haar hoed
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
