Die “eienaardige” vis, vermoedelik ‘n diepsee blaasop wat by Franskraal gevind is
Die “eienaardige” vis op die meegaande foto is onlangs tussen die bamboes naby Sammie se Paadjie by Franskraal deur Cassie Carstens gekry. Dit het uitgespoel, maar was nog lewend gewees. Helmie de Vries van Franskraal het die foto’s vir identifikasie aan Gansbaai Courant gestuur, wat dit aan Phillip Fourie gestuur het. “Die naaste wat ek aan identifikasie kan kom, is dat die vis die diepsee blaasop is,” het Phillip laat weet en gesê die Engelse naam is ‘n Oceanic Blaasop en die wetenskaplike naam is Lagophalus lagophalus. “Die vis kom algemeen in warmer water vanaf Walvisbaai tot Beira voor, maar is ook al verder Suid by Port Elizabeth en Knysna gevind.” Phillip het gesê die vis kan tot 60cm groot word, maar die algemeenste is so om en by 38cm tot 40cm. Dit is duidelik dat die vis met die onlangse storms ver van sy koers af gedwing is. “Die tonne bamboes wat by Franskraal uitgespoel lê, is ‘n goeie aanduiding van hoe sterk die see werklik was.” Blaasop visse is baie giftig en dit word vermoed dat ‘n hele familie wat in Port Elizabeth van vergiftiging gesterf het nadat hulle hierdie spesifieke diepsee blaasop geëet het.
Vir verdere verwysing kan Plaat 143 (Nr 268.21) en bladsy 901 van Smiths' Sea Fishes van Margaret M Smith en Phillip C Heemstra geraadpleeg word. Cassie het ‘n vorige keer ook ‘n “vreemde” vis in dieselfde omgewing vroegoggend raakgeloop, wat ook deur Phillip Fourie vir Gansbaai Courant geïdentifiseer is as ‘n Ruwe Snellervis (Rough Triggerfish), met die wetenskaplike naam Canthidermis Maculatus. Dit wil voorkom asof Cassie op vele interessanthede afkom met sy vroeë-oggend wandelinge langs Franskraal se kuslyn.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
