Gansbaai Courant

Blog: Miss Senior Gansbaai

Published: 10 October 2013
By:Hardus Botha

Voor vlnr is Cornelia Cloete (2de Prinses), Emmie October (Miss Snr Gansbaai) en Smittie van Rensburg (1ste Prinses). Agter vlnr is Carli Bezuidenhout, Marie Fourie (Miss Best Dressed), Cindy Appel, Natalie Theunissen, Suraya Jacobs en Bettie Booysen (Miss Personality).

‘n Suksesvolle en gesellige modeparade vir Internasionale Bejaarde Dag is vir bejaardes van Oak Grove Nasorgsentrum, Silwerjare Dienssentrum en Herberg-aan-See gereël. Maatskaplike Werkers van die Dept Maatskaplike Ontwikkeling se Caledonkantoor, het die byeenkoms gereël, met Natalie Theunissen as organiseerder en seremoniemeester en Carli Bezuidenhout, Cindy Appel en Suraya Jacobs as die beoordelaars. Die geselligheid is te Silwerjare Dienssentrum aangebied en die 14 deelnemers was duidelik baie trots op hulself gewees.

Ná ‘n “spanningsvolle” wedywering en model-stappery (formele- en ontspanne drag) tussen die deelnemers, is die finaliste aangewys, wat weer ‘n laaste rondte voor die beoordelaars moes verbystap.

Die finale aankondiging is onder groot toejuiging aangehoor: Miss Senior Gansbaai - Emmie October; 1ste Prinses - Smittie van Rensburg; 2de Prinses - Cornelia Cloete; Miss Personality - Bettie Booysen; Miss Best Dressed - Marie Fourie.

Die geselligheid het met smaaklike verversings gepaard gegaan, terwyl Sylvia Salo van Oak Grove Nasorgsentrum vir sangitems gesorg het, met opgewekte samesang deur die gaste en deelnemers.

“Ons bedank graag Caledon se Maatskaplike werkers vir hierdie mooi inisiatief, asook vir Gansbaai Superspar en Lekkerbek vir die verversings,” sê Jacoba Europa, Bestuurder: Silwerjare Dienssentrum en Oak Grove Nasorgsentrum.      

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...