Ivanhoe Sea Safaris se boot - bietjie seesiekerig en kouerig in die reën, maar gevul met vreugde
Die bevoorregte dogters van Huis E van Herberg Kinderhuis in Robertson se gebruiklike kuier in Gansbaai was weer eens met vreugdes en opgewondenheid gevul. Dertien van hulle het onlangs kom kuier en is behoorlik deur die organiseerders en naweekouers, Lukas en Stienie Geldenhuys, onthaal. Hulle is bygestaan Dries en Susan van Heerden, Marie Le Roux en Johan Brandt.
Smaaklike pizza’s in B’Blondes is genuttig
‘n Komitee, met Susan van Heerden as voorsitter, binne die NG Vrouediens, het lankal reeds verantwoordelikheid vir Huis E aanvaar en skenk op ‘n gereelde basis en op verskeie gebiede aandag aan die groep dogters. Die dogters is weer eens met allerlei uitstappies en aktiwiteite bederf, ingesluit geestelike verrykingsgeleenthede wat deur Lukas en ds Dirk van Dyk hanteer is.
Lekker ontspanne op die strand by Uilenkraalsmond
Onder andere is gratis pizza’s by B’Blondes geniet; ‘n gratis walvisbesigtigings-bootrit saam met Ivanhoe Sea Safaris waar walvisse wel gesien is, maar nie sonder ‘n bietjie seesiek nie; handsakke wat gemaak is met materiaal wat deur Olivia geskenk is; die bywoning van ‘n Erediens in die NG-gemeente; ‘n besoek aan Herberg-aan-See Tehuis vir Bejaardes waar lekkers aan die inwoners uitgedeel is; ‘n besoek aan Uilenkraalsmond, “maar die water was nie reg om te kon swem nie”. Sommer ‘n mondvol vir ‘n naweek in Gansbaai.
Tyd vir speletjies speel was daar volop gewees
Die groep opgewonde dogters is Celeste Maree, Daneel van Schalkwyk, Elreze Oliphant, Fredeline Bester, Gabriella Mthemla, Leandre Swarts, Lee-Anne Pelceur, Nasherly Otto, Nicolene Blankenberg, Sonja Martins, Tiffany Presens, Vanessa Jonkers en Zelda Adams en hulle Huismoeder is Bettie Thomas.
Die volgende “groot dankies” (alfabeties) word voorgehou: Annie Smit (hoedjies en keppies), Doreen Venter (reël van Uilkraalhuisies @ billike tariewe), Gansbaai Courant (gratis foto’s en berigte), Gansbaai OK Foods (piekniekmandjies), Gansbaai Superspar (Saterdagbraai), Ivanhoe Sea Safaris (gratis walvisbesigti-gingsbootrit), Kekkel en Kraai (hoendervleis @ billike prys), Kosmakers & Braaiers (Lukas Geldenhuys, Dries van Heerden, Marie Le Roux en Johan Brandt), Linda van B’Blondes (gratis pizza’s), Nico van Rhyn (brandstof), Prime Cut Meats (gratis wors), Sakkie van der Merwe van Kleinbaai Superette (hout @ billike prys) en Wynand Le Roux & Gansbaai SAPD (bydraes). “Nog mense, te veel om te noem, het ons ook ondersteun en bydraes gelewer vir wie ons ook hartlik bedank,” sê Stienie.
Belangstellendes wat graag saam met die Vrouediens by Huis E betrokke wil raak óf skenkings as bydraes wil gee, kan meer besonderhede by die NG Kerkantore by 028-384-0510 kry.
Hardus Botha
Modeparade met die selfgemaakte handsakke en hoedjies van Annie Smit
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
