Wyle Richard (Tokkie) Jacobs
Wyle Richard Jacobs, beter bekend as Tokkie, is op Dinsdag, 15 Oktober 2013 in die ouderdom van 70 jaar en enkele maande oorlede. Tokkie was saam met twee van sy seuns, Willem en Richard (Jnr) in Tanzanië op toer toe hy ná ‘n ernstige beroerte-aanval gesterf het. “Dit is vir my soos die volmaakte einde van ‘n lewenssiklus, aangesien Tokkie in dieselfde hospitaal in Arusha, Tanzanië, waar hy gebore is, oorlede is,” vertel sy eggenote, Sherley. “Hy en twee van ons seuns het sowat ses maande aan die toer beplan om onder andere sy geboorteplek op te soek en ek het die aand voordat hy gesterf het nog telefonies met hom gesels.”
Tokkie is op 31 Maart 1943 in Arusha, Tanzanië gebore en was die 3de geslag van die Jacobs-familie wat as ‘n Tanzanier grootgeword het. Hy het aanvanklik teologie aan die Universiteit van Stellenbosch vir ‘n paar jaar studeer, maar het dit sonder sy ouers se medewete vir duiklesse laat vaar, vandaar die bynaam van Tokkie vir Tokkelok. “Tokkie was ‘n avontuurlustige mens wat op sy tyd baie deur Afrika, die Kongo ingesluit, getoer het,” vertel Sherley. Die egpaar is op 1 Junie 1968, 45 jaar gelede, in Stellenbosch in die huwelik bevestig. Drie seuns, Willem (44 en in Engeland), George (42 en in Namibië) en Richard (40 en in Gauteng), en tussen die 3 van hulle is daar 5 kleinkinders.
Willem was vir die grootste deel van sy beroepslewe by VISCOR werksaam, onder andere as Hoof: Tegniese Dienste. In hierdie hoedanigheid was hy by die instandhouding van Wes-Kaapse hawens Hy was veral by Gansbaai hawe vir ‘n lang tydperk aktief betrokke. Hy het ook op die NGK Kerkraad gedien, terwyl Sherley ‘n VLV-lid was en ook die bloemistewinkel (waar Tolbos Bistro vandag staan) besit het. “Tokkie het ook as raadslid en vir ‘n tyd as Onderburgemeester van Gansbaai gedien,” sê Sherley. Die egpaar het hulle bekende “rietdak-huis” skuins oorkant die ou begraafplaas reeds sowat 40 jaar gelede gekoop en was gereelde besoekers aan Gansbaai, terwyl hulle verlede jaar permanent hierheen verhuis het. Tokkie laat sy eggenote, Sherley en hulle 3 seuns, Willem, George en Richard agter, asook 3 skoondogters en 5 kleinkinders.
‘n Roudiens is vandag (Donderdag, 24 Oktober 2013) om 11:30 in die NG Kerkgebou deur ds Deon Beyers van Heidelberg gehou.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
