Gansbaai Courant

Mooiste maand Oktober

 Mooiste maand Oktober

Gansbaai Courant

C Louis Leipoldt, groot Afrikaanse digter van weleer

Vandag is 31 Oktober 2013 - die laaste dag van C Louis Leipoldt se mooiste, mooiste maand en vanjaar was dit terselfdertyd ‘n pienk-getooide maand vir Borskanker, ook in Gansbaai.

Gansbaai Courant het dit goed gedink om op die laaste dag van Oktober enkele verse van Leipoldt se bekende “Oktobermaand”-gedig te plaas.

Dr Christian Frederik Louis Leipoldt is op 28 Desember 1880 in Worcester gebore. Tydens die Tweede Vryheidsoorlog werk hy as verslaggewer vir verskeie koerante, insluitend oorsese koerante en gedurende 1902 - 1907 bestudeer hy medisyne in London, Engeland. Op 12 April 1947 is hy in die ouderdom van 67 jaar oorlede.

“Leipoldt is ons veelsydigste kunstenaar en een van ons grootste digters. Deur sy natuurverse ontdek die destydse Afrikaanse volk as’t ware vir die eerste keer die Suid-Afrikaanse natuurskoon: die struike, blomme, die goggatjies…hierdie natuurverse is vol uiterlike vreugde, maar met verhole droefheid.” - DJ Opperman.

Saam met Jan FE Celliers en JD du Toit (Totius), word Leipoldt as een van die leiersfigure van die Tweede Taalbeweging op die gebied van die Afrikaanse digkuns gereken. Benewens gedigte, het Leipoldt ook romans, toneelstukke, kinderverhale, kookboeke en ‘n reisjoernaal geskryf.

(Bron: Senior Verseboek - DJ Opper-man, met die vriendelike samewerking van Gansbaai Biblioteek)

Hardus Botha

Oktobermaand -  C Louis Leipoldt

Viooltjies in die voorhuis –
Viooltjies blou en rooi!
Viooltjies orals op die veld,
En orals, ai, so mooi!


Dit is die maand Oktober,
die mooiste, mooiste maand!
Dan is die dag so helder,
so groen is elke aand,
So blou en sonder wolke
die hemel heerlik bo,
So blomtuin-vol van kleure
Die asvaal ou Karoo.

Ek is nog in Oktober!
My tuin is nog so groen,
So wit met al wat mooi is,
met bloeisels van lemoen,
So pragtig in die môre,
so heerlik in die aand!
Ek is nog in Oktober,
die mooiste, mooiste maand!

Wat gee ek om die winter?
Wat praat jy nou van Mei?
Wat skeel dit as ons later
weer donker dae kry?
Ek is nou in Oktober,
die mooiste, mooiste maand,
Met elke dag so helder,
so pragtig elke aand!

 Mooiste maand Oktober

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant