Lt-kol Adonis en sy eggenote, Cathleen tydens ‘n afskeidsfunksie op sy laaste werksdag as Stasiebevelvoerder van Gansbaai SAPD
Lt-kol Adonis, Stasiebevelvoerder van Gansbaai SAPD, het op 31 Oktober 2013 afskeid van Gansbaai SAPD geneem. Lt-kol Adonis begin op 4 November as Cloetesville SAPD, Stellenbosch se Stasiebevelvoerder. Op 30 November sal hy Gansbaai finaal verlaat.
“Die positiewe deel van my besluit draai om gesinsgeluk, maar aan die ander kant is dit baie moeilik om myself los te maak van ‘n goed-saamgestelde sisteem waartoe ek myself verbind het,” het hy gesê. “Ek het ‘n goeie en suksesvolle pad met ‘n uitstekende SAPD-span, asook ‘n oop gemeenskap gestap en om my nou daarvan los te maak, is ‘n hartseersaak.” Hy verwys trots na die gevestigde vennootskap tussen Gansbaai SAPD en die gemeenskap, asook Gansbaai Polisiëringsforum (GPF). Kol Adonis het gesê dat hy inderwaarheid “bederf” is deur Gansbaai SAPD-lede, kerke, organisasies en al drie gemeenskappe en dat hy opregte waardering daarvoor het. Enkele sprekers het opgetree en ook blyke van waardering aan Lt-kol Adonis oorhandig. AO Wynand le Roux het ook ‘n huldeblyk aan wyle AO Ghandi Kruger oorgedra.
Lt-kol Adonis is op 4 Januarie 2010 as stasiebevelvoerder te Gansbaai SAPD aangestel en is oorspronklik van die Paarl, maar kort voor sy aanstelling was hy vir sowat 5 jaar Stasiebevelvoerder van Riviersonderend se SAPD. Hy is met Cathleen getroud en die egpaar het drie kinders. Gedurende sy dienstydperk in Gansbaai het hy ‘n oopdeur-beleid ten opsigte van die drie gemeenskappe gehandhaaf, met sy hoogste prioriteit die bekamping van misdaad.
“My uitgangspunt was nog altyd dat die SAPD se hoofdoel is om ‘n verskil te maak en die gemeenskap veilig te laat voel,” sê hy. Tydens sy afskeidsonderhoud met Gansbaai Courant, het hy sy opregte waardering teenoor alle SAPD-lede, Gansbaai GPF, kerke, organisasies, die drie gemeenskappe en Gansbaai Courant vir almal se vriendelikheid, ondersteuning en goeie samewerking uitgespreek. Sp-Kapt Danie Rautenbach sal intussen as Stasiebevelvoerder waarneem.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
