Schneiderstraat in Franskraal.

Ná Vrydagnag se gietende reën, asook Saterdag se deurdringende reën, was vele wonings weer onder water. Groot skade is in die proses gelei, nie lank na die vorige oorstromings nie. Een van hulle is die woning van Mary Jacobs van Madeliefiestraat 9, Blompark. Met die aankoms van Gansbaai Courant by die woning, was Gansbaai munisipaliteit al besig om ‘n tweede groot tenk water uit te pomp. “Ek weet nog nie hoe lyk dit in my huis nie, maar daar kan nie iets oor wees nie,” het ‘n hartseer en geskokte Mary gesê.

Sarel Fourie se besigheid agter Belmont Cash & Carry in die Industriële gebied het ook sleg deurgeloop en selfs sy kantoorruimte was onder water. ‘n Benoude oproep is ook van Elrico in Beverley Hills ontvang waar etlike van die huise onder water was. Vanuit Uilenkraalsmond karavaanpark is ook oproepe ontvang van oorstromings en groot skade wat aangerig is.

Hardus Botha

‘n Geskokte Mary Jacobs voor haar woning in Madeliefiestraat 9, Blompark

Gansbaai middedorp net agter die Apteek.

Van Uilenkraalsmond se strate en huise het weer oorstroom.