Ds Dirk van Dyk met sy 7kg kabeljou wat tydens (op) Huisbesoek gevang is
Vele is al oor ds Dirk van Dyk se “Huisbesoek” gepraat. Hierdie keer het hy bewys dat huisbesoek lonend kan wees. “Weet julle dalk waar is ds van Dyk vandag?”, dan kom die eerlike antwoord: “Hy is op huisbesoek!” Maar dit is huisbesoek van ‘n ander aard - dit is sy 3 meter roeiboot (sonder ‘n enjin) met die naam “Huisbesoek” waarna verwys word!
Dirk is ‘n man wat beslis nie sy werklike huisbesoek en/of werk in die NG-gemeente afskeep nie, maar wanneer hy ‘n kansie kry, is dit “Huisbesoek”, sy Land Rover en die see. So was dit weer so kort voor Kersfees wat Dirk en sy seun, Ferdie op “Huisbesoek” in Boetiesbaai was.
“Dit was laag-laag water en ons moes Huisbesoek sowat 200m ver dra om in die see te kon kom,” vertel Dirk. Goeie vangstes (wettiglik!) was aan die orde van die dag: 9 kabeljoue en ‘n geelbek. Mens is net nie seker of daar vir al die vis én die twee manne genoeg plek op “Huisbesoek” was nie. Die twee manne het sardyn as aas gebruik en is nie bietjie trots op hulself nie.
So teen 18:00 het Dirk se groot oomblik aangebreek: ‘n allemintige 7kg kabeljou. “Die kabeljou het ons letterlik rondgesleep voordat hy in Huisbesoek beland het,” vertel Dirk. “Wie is dit wat sê kabeloue kan nie in laagwater gevang word nie en wie is dit wat sê dat huisbesoek nie ook lonend kan wees nie?!”
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
