Waters bly steeds troebel vir Vissermanne
Ondanks vergaderings en vergunnings en beloftes van her-ondersoeke, blyk dit dat die water steeds troebel bly met verwysing na opskorting van honderde visvangregte wat op 31 Desember 2013 deur die waarnemende Direkteur-generaal van die Departement van Landbou, Bosbou en Seevisserye, mnr Desmond Stevens, aangekondig is.
Gansbaai Courant het onder die opskrif, “Staat sink Lynvissers”, (Donderdag, 9 Januarie 2014) berig dat hierdie optrede as ‘n “visgraat in die keel van vissermanne” beskryf word. Die voorsitter van die Overstrand Lynvisvereniging, Ockie Viljoen, asook die Lynvissers Wyksverteenwoordiger van Gansbaai, Philip Fourie, het etlike vergaderings in hierdie verband bygewoon. Hierdie week is ‘n opvolg-vergadering op Dinsdag, 21 Januarie 2014 deur die Suid-Afrikaanse Kommersiële Lynvissers Vereniging belê.
Philip Fourie het die Gansbaai Courant soos volg ingelig: “Probleme rakende die kansellering van baie bestaansvissers se visvangregte is nog lank nie verby nie.
Die jongste inligting is dat daar skreiende onregte by die voltooiing van die sogenaamde “score-sheets” van vissermanne deur Minister Joemat Petterson se department plaasvind.
Tydens ‘n vergadering wat op 21 Januarie in Kaapstad gehou is, het die SA Kommersiële Lynvissers Vereniging besluit dat ‘n aansoek vir ‘n dringende interdik teen die Department van Landbou, Bosbou en Seevisserye die enigste oplossing blyk te wees om die Staat te laat besef dat voetjie-voetjie speel nie meer werk nie. Dit is duidelik dat die vissermanne wat tot dusver ‘n besondere behoudende rol in onderhandelings gespeel het, nou meer as gereed is om sake verder te voer.
Die Gansbaai Courant het reeds voorheen berig dat tot 84 gesinne in Gansbaai deur die inkorting van die broodwinners se visvangregte geraak word. Daar word nou vertrou dat die voorgenome verdere aksies die gewenste uitwerking sal hê om normaliteit in hierdie ontstuimige tyd in vissers se lewens te bring.”
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
