Bianca de Koning, soos Gansbaaiers haar altyd sal onthou - trofeë by die dosyne!
“Ons moes alreeds om 11:00 na die lughawe ry, wat hopeloos te vroeg was, maar Bianca was bang ons beland in swaar verkeer - ‘n opgewondenheid wat ek ten volle verstaan het,” vertel Chris van Rensburg van OK Foods Gansbaai. Chris het aangebied om Bianca lughawe toe te neem, nadat sy inderhaas en op kort kennisgewing ‘n tas of wat moes pak vir haar vlug na Bloemfontein. Bianca was 2013 se Top-presteerder van Gansbaai Academia en het aansoek gedoen vir ‘n beurs om BA Geesteswetenskappe aan die Universiteit van Stellenbosch te gaan studeer. Terwyl alles nog hangende was en sy in spanning vir antwoorde gewag het, het die Universiteit van die Vrystaat (UV) se Rektor, prof Jonathan Janse haar persoonlik met ‘n uitnodiging gekontak om met ‘n volle studiebeurs haar studies by Kovsies aan te pak.
“Dit was ‘n baie moeilike besluit om so ver weg te gaan, maar terselfdertyd het ek besef dat ‘n mens sò ‘n geleentheid net eenmaal ontvang,” het Bianca gesê. Enkele rolspelers in Gansbaai, ingesluit Gansbaai Academia se hoof, Tommy Wilson, het ook gesprekke met haar in hierdie verband gevoer. “Baie dankie aan almal wat ‘n belangstellingsrol by Bianca gespeel het. Dit is ‘n reuse geleentheid vir haar en ek glo dit is die gebeure waarvoor Gansbaai Academia gewag het - nou is dinge aan die gebeur vir die skool,” het Tommy gesê. Gansbaai Courant het reeds berig dat Bianca haar 5 onderskeidings onder baie moeilike persoonlike omstandighede behaal het, wat dit des te meer besonders maak.
“Bianca is ‘n presteerder met enorme potensiaal en hierdie potensiaal kan beslis verder by Kovsies ontgin word,” het prof Jansen tydens ‘n telefoniese gesprek gesê. Nou wag ‘n oop studie-toekoms op Bianca, met ‘n volledige beurs wat alles vir haar volle studietydperk dek: vliegkaartjies, klasgelde, verblyf en studiemateriaal. Gansbaai Courant dra graag gelukwense aan Bianca oor en wens haar alle sterkte toe op haar toekomspad.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
