“Strandveld Voetslaanklub se stappers is gereed vir 2014,” vertel Roelof Diener. “Ons het verlede jaar tydens ons jaarafsluiting by Flower Valley op ‘n lekker en interessante jaarprogram besluit.” Hy sê hulle het 11 persone gekry om die dapper-stappers elke eerste Saterdag van die maand na interessante plekke te neem en op mooi roetes te vergesel.
Die klub se tweede staptog is op Saterdag, 1 Februarie, wat ‘n mooi en grootliks ongerepte deel van die kuslyn sal behels. Hulle stap begin by die aansluitingspad wat na die vissersdorpie, Buffeljachts gaan. Dan volg hulle die pragtige sandstrand-roete verby die oorblyfsels van ‘n skeepswrak. “Naby die vuurtoring van Quoin Point stap ons verby die huisies wat aan die mense van Elim behoort en ons sal daar naby stop vir ietsie om te eet en te drink, wat jy self moet saambring.” Daarna stap die groep die rotsagtige kuslyn tot by Die Dam Vakansie-oord, waar die voertuie op hulle wag om na Gansbaai terug te keer. Hulle vertrek oudergewoonte om 07:00 vanaf die Gansbaai Superspar se parkeerterrein, regoor Gansbaai Inligtingsentrum en almal is welkom.
“Ons vra geen toegangsgelde nie, maar versoek voornemende stappers wat saam met ander gaan ry, om ‘n donasie vir brandstof van tussen R40 en R50 saam te bring. “Kom met lekker gemaklike stapskoene, asook ‘n klein rugsakkie om iets te drinke en iets te ete in te dra. Bring asb ook ‘n warm/reën- of windbaadjie saam, want ons het al in sonskynweer begin en dan reën dit ‘n paar uur later,” sê Roelof, wat by 082-552-5444 gekontak kan word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
