Gansbaai Courant

VLV Kaapland se 85ste Feesjaar

VLV Kaapland se 85ste Feesjaar

Gansbaai Courant

Hermien van Zyl, president van Sirkel Overberg, koop een van die VLVKaapland-rose by Ludwig Taschner. Hierdie roos sal nou by alle kwekerye beskikbaar wees, en groei met ‘n bietjie ekstra sorg, welig in ‘n beskutte hoekie oral langs die kusstreke.

Gestig in 1929, vier die Vroue-Landbouvereniging van Kaapland vanjaar hulle 85ste bestaansjaar. Hierdie feesjaar is onlangs met ‘n spogtee by die Eensgezind-onthaalvenue buite Durbanville, ingelui. Meer as 300 VLV-vroue van takke sover as Upington, Kimberley, Port Elizabeth en Calvinia het opgedaag vir ‘n heerlike oggend van saamkuier en om getuie te wees van ‘n baie belangrike gebeurtenis vir hulle vereniging.

In opdrag van mev Erika Lubbe, president van VLVK, het Ludwig Taschner, wêreldbekende rooskweker, ‘n besondere roos gekweek om hierdie mylpaal van VLVK te gedenk. Tydens die spogtee is die roos bekendgestel en amptelik vernoem as die VLVKaapland-roos. Sjampanje het gevloei en foto’s is geneem om hierdie oomblik vir die nageslag te verewig. Daarna het die VLV ‘n eretoekenning aan Ludwig Taschner oorhandig vir die baanbrekerswerk wat hy op die gebied van rooskweking en –ontwikkeling gedoen het. Me Mariana Rabie, Bemarkingsbestuurder van Agri Expo, het ‘n heildronk op die VLV ingestel en die gaste kon verder luister na die vrolike sangnommers van Andriëtte Norman, bekende Kaapse vermaaklikheidster. Uit die Overberg het meer as 30 VLV-lede van sover as Bredasdorp en Gansbaai die geleentheid bygewoon. Besondere proteas en ander fynbos van die Overberg was prominent in die pragtige massarangskikkings en ‘n Dam Good Rosè van Villiersdorp Kelder, die kleur van die pragtige nuwe roos, in die geskenkpak vir Ludwig Taschner.

Hier klink Rienie Ludick, voorsitter van die Gansbaai-tak en Annatjie Liebenberg, tak- en sirkeltesourier, ‘n glasie op VLVK.

Mariana Rabie (links) en Erika Lubbe, VLVK-president, drink ‘n heildronk op die VLVKaapland-roos, voor hulle, wat pas amptelik bekendgestel is.

VLV Kaapland se 85ste Feesjaar

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant