Wyle Willem Blekman saam met sy sielsgenoot, Petro
Wyle Willem Blekman van De Kelders is op Woensdag, 12 Februarie 2014 in die ouderdom van 67 jaar en enkele maande oorlede. Willem is op 7 November 2013 met ‘n kwaadaardige gewas gediagnoseer en is, ná ‘n operasie, meegedeel dat die kanker té wyd versprei het vir enige vorm van behandeling.
“Wat vir my so wonderlik was, is dat Willem daardie nuus sonder bitterheid of klagtes aanvaar het en net die pyn in stilte verduur het,” vertel sy sielsgenoot, Petro. Willem is op 25 Junie 1946 in Amsterdam, Holland gebore, waar hy ook grootgeword het. Gedurende 1978 verhuis hy na Suid-Afrika, waar hy hom in Durban, KwaZulu-Natal gevestig het en later na Kaapstad verhuis het. Hy het as ‘n gekwalifiseerde ingenieur op die vragbote gewerk.
Gedurende 1991 verhuis Willem na Gansbaai, waar hy geliefd onder kinders in moeilike omstandighede, maar veral ook bejaardes, was. Hy het etlike liefdadigheidsprojekte vir hulle aangepak. Sy silwer Toyota Camry met die registrasienommer KAAS 1 WP was ook ‘n algemene gesig. Op 13 Mei 2009 het hy vir Petro as sy sielsgenoot in die Kaap gaan haal en sy verwys na ‘n wonderlike 5 jaar saam met Willem. Willem het geen kinders van sy eie gehad nie, maar Petro sê hy was baie lief vir haar dogter en skoonseun, Welda en Johan Liebenberg, asook hulle dogter, Jonelda. Willem was ook vir etlike jare ‘n getroue lid van die Birkenhead Boothengelklub waar hy onder andere ook vir ‘n tyd lank as Klubbestuurder op die Bestuur gedien het en ook as die klub se Kroegman gewerk het.
‘n Roudiens is op Vrydag, 21 Februarie 2014 in die NG-gemeente Gansbaai deur dr Bobo van Zyl gelei.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
