Senior burgers van Masakhane, Herberg-aan-See Tehuis vir Bejaardes, Gansbaai Seniorklub, Silwerjare Dienssentrum en Oak Grove Nasorgsentrum is onlangs vir ‘n “parlementsete” te Silwerjare Dienssentrum genooi. Welliswaar nie by die Parlement nie, maar die tee en verversings is deur die Lid van die Provinsiale Parlement (LPP), mnr Mike Walters, namens die Wes-Kaapse Provinsiale Regering geborg.
Rdl Moira Opperman, met Angela Caie van Gansbaai Seniorklub het die nodige reëlings getref en hulle is deur Sherie Jansen en Rigardo Plaatjies bygestaan. Rdl Nicolette Botha-Guthrie, Overstrandse Uitvoerende Burgemeester, het as gasspreker opgetree.
Vlnr regs om die tafel is mnr Mike Walters (LPP), rdl Nicolette Botha-Guthrie, John van Rooyen, Suster Linda Meyer en Ans en rdh Pieter Scholtz. Agter vlnr is Angela Caie, rdl Moira Opperman, Sherie Jansen, Jacoba Europa en Rigardo Plaatjies
“Ons is gelukkig in die Overstrand dat ons ‘n stabiele Raad het en dat ek goeie toegang tot die Wes-Kaapse Regering het, sowel as die Nasionale Regering, veral met die bystand van ons verteenwoordiger, Mike Walters.” Rdl Botha-Guthrie het aan die bejaardes verduidelik wat die Wes-Kaapse Regering alles in die Overstrandgebied oor die afgelope 5 jaar spandeer het:
Masakhane Primary School se nuwe skool (R32m); Gansbaai Primêr se nuwe skoolsaal (R4m); Opgradering van Gansbaai Kliniek (R11m); Voltooiing van die pad tussen Gansbaai en Bredasdorp (R277m); Uitbreiding van Hermanus Hospitaal (R58m); Nuwe kliniek in Zwelihle (R38m); Verdubbeling van die pad tussen Sandbaai en Gateway (R72m); Opgradering van die pad tussen Sandbaai en Caledon (R300m); Nuwe laerskool in Hawston (R34M); Behuisingsprojekte (R43m), met die totaal wat op R869m te staan kom.
“Tot op hede is ‘n bedrag van sowat R500m spandeer, aangesien sommige van die projekte nog nie voltooi is nie. “As dit nie ‘n bewys is van goeie regering en omgee vir die inwoners van Overstrand nie, weet ek nie wat is nie! Goeie regering en goeie samewerking beteken sukses!”, het sy gesê. Mnr Walters onder andere die werksaamhede van die Provinsiale Regering verduidelik, asook stemreg op grond van die Suid-Afrikaanse Grondwet en dat elke bejaarde se stem net so belangrik is as die van enige ander landsburger,” het hy beklemtoon.
Daarna het Margi Muller en haar span Lyndansers, Anita Botha, Derrick Jerrard en Stella Swart vir lyndansgenot gesorg, terwyl Margi en Anita se Masakhane-leerders ook hul staal op hierdie gebied gewys het. Die verversings is terdeë geniet en die bejaardes het gesellig saamgekuier en kon ook rustig met die eregaste kommunikeer. Rdh Pieter Scholtz het die bedankings waargeneem.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
